തിരുവനന്തപുരം | മാളികപ്പുറത്തിനുശേഷം വിഷ്ണു ശശിശങ്കര്‍ സംവിധാനം ചെയ്യുന്ന സുമതി വളവ് എന്ന ചിത്രത്തിന്റെ പായ്ക്കപ്പ് പതിവില്‍നിന്നും വ്യത്യസ്തമായി ആഘോഷിച്ചു.
സിനിമയുടെ പായ്ക്കപ്പ് ഇത്തിരി ആഘോഷമായി നടത്തുക സിനിമാസെറ്റിലുള്ള അലിഖിതമായ ഒരു ചടങ്ങാണ്.കുറേ ദിവസങ്ങള്‍ ഒന്നിച്ചു കഴിഞ്ഞവരുടെ ഒരു സന്തോഷ കൂട്ടായ്മ’ ഇതിനു നിറം പകരാനായി പലപ്പോഴും മദ്യസല്‍ക്കാരവും നടത്താറുണ്ട്. എന്നാല്‍ സുമതി വളവിന്റെ പായ്ക്കപ്പിന് മദ്യസല്‍ക്കാരം പൂര്‍ണ്ണമായി ഒഴിവാക്കി. പകരം എല്ലാവര്‍ക്കും വസ്ത്രങ്ങളും ഒരു ദിവസത്തെ വേതനവും നല്‍കി. മദ്യവിമുക്തിനേടി ജീവിതവിജയം കൈവരിച്ച നിര്‍മ്മാതാവ് വാട്ടര്‍മാന്‍ മുരളി എന്നറിയപ്പെട്ടുന്ന മുരളി കുന്നും പുറത്താണ് ഈ രീതി പരീക്ഷിച്ചത്.
മാളികപ്പുറത്തിന്റെ തിരക്കഥാകൃത്ത് അഭിലാഷ് പിള്ള തന്നെയാണ് ഈ ചിത്രവും രചിച്ചത്. വാട്ടര്‍മാന്‍ ഫിലിംസ് ഇന്‍ അസ്സോസ്സിയേഷന്‍ വിത്ത് തിങ്ക് സ്റ്റുഡിയോസിന്റെ ബാനറില്‍ നിര്‍മ്മിക്കുന്ന ഈ ചിത്രം ത്രില്ലര്‍ ഹ്യൂമര്‍ ജോണറിലുള്ളതാണ്.
അര്‍ജുന്‍ അഗോകന്‍ കേന്ദ്ര കഥാപാത്രത്തെ അവതരിപ്പിക്കുന്ന ഈ ചിത്രത്തില്‍ നാല്‍പ്പതില്‍പരം ജനപ്രിയരായ അഭിനേതാക്കള്‍ അണിനിരക്കുന്നുണ്ട്. സൈജു കുറുപ്പ്, ബാലു വര്‍ഗീസ് , ഗോകുല്‍ സുരേഷ്, ശ്രാവണ്‍ മുകേഷ്, മനോജ് കെ. യു, സിഡാര്‍ത്ഥ് ഭരതന്‍, സാദിഖ്,ശ്രീജിത്ത് രവി, ബോബി കുര്യന്‍. (പണി ഫെയിം) അഭിലാഷ് പിള്ള, കോട്ടയം രമേശ്, വിജയകുമാര്‍, ചെമ്പില്‍ അശോകന്‍, സുമേഷ് ചന്ദ്രന്‍, ശ്രീ പഥ്യാന്‍, റാഫി, ശിവ അജയന്‍. മനോജ് കുമാര്‍, മാസ്റ്റര്‍ അനിരുദ്ധ്, മാളവിക മനോജ് ജൂഹി ജയകുമാര്‍, ഗോപിക അനില്‍, ശിവദ, സിജാ റോസ്, ദേവനന്ദ, ജസ്‌നിയ ജയ ദിഷ് , സ്മിനു സിജോ, അശ്വതി അഭിലാഷ്, എന്നിവരും പ്രധാന വേഷങ്ങളില്‍ എത്തുന്നു.
ബി.കെ. ഹരിനാരായണന്‍ ,സന്തോഷ് വര്‍മ്മ, ദിന്‍നാഥ് പുത്തഞ്ചേരി, അഭിലാഷ് പിള്ള എന്നിവരുടേതാണ് ഗാനങ്ങള്‍.
സംഗീതം, ഛായാഗ്രഹണം – ശങ്കര്‍. പി.വി. എഡിറ്റിംഗ് – ഷമീര്‍ മുഹമ്മദ് കലാസംവിധാനം – അജയന്‍ മങ്ങാട് ‘
മേക്കപ്പ് – ജിത്തു പയ്യന്നൂര്‍. കോസ്റ്റ്യും ഡിസൈന്‍ – സുജിത് മട്ടന്നൂര്‍ ചീഫ് അസ്സോസ്സിയേറ്റ് ഡയറക്ടര്‍ – ബിനു.ജി. നായര്‍.
സ്റ്റില്‍സ് – രാഹുല്‍ തങ്കച്ചന്‍ പ്രൊഡക്ഷന്‍ എക്‌സിക്യൂട്ടീവ് – ഷാജി കൊല്ലം പ്രൊഡക്ഷന്‍ കണ്‍ട്രോളര്‍ – ഗിരീഷ് കൊടുങ്ങല്ലൂര്‍.
കൊല്ലങ്കോട്, നെന്മാറ, ചിറ്റൂര്‍, പൊള്ളാച്ചി ഭാഗങ്ങളിലായിട്ടാണ് ചിത്രീകരണം പൂര്‍ത്തിയായിരിക്കുന്നത്.
