തിരുവനന്തപുരം | തെക്കുപടിഞ്ഞാറന്‍ മണ്‍സൂണ്‍ ഇന്ന് (ശനി) കേരളത്തിലെത്തിയതാതി കാലാവസ്ഥാ വകുപ്പ്. സാധാരണയായി, തെക്കുപടിഞ്ഞാറന്‍ മണ്‍സൂണ്‍ ജൂണ്‍ 1 നാണ് കേരളത്തില്‍ എത്തുക. സെപ്റ്റംബര്‍ 17 ന് വടക്കുപടിഞ്ഞാറന്‍ ഇന്ത്യയില്‍ നിന്ന് പിന്‍വാങ്ങാന്‍ തുടങ്ങുകയും ഒക്ടോബര്‍ 15 ഓടെ പൂര്‍ണ്ണമായും പിന്‍വാങ്ങുകയും ചെയ്യും. വലിയ തോതിലുള്ള വ്യതിയാനങ്ങളും ആഗോള, പ്രാദേശിക, പ്രാദേശിക സവിശേഷതകളുമാണ് ഇത്തരത്തില്‍ വ്യതിയാനങ്ങള്‍ സംഭവിക്കുന്നതിന് കാരണമെന്നാണ് കാലാവസ്ഥാ വകുപ്പ് പറയുന്നത്.
2025 ലെ മണ്‍സൂണ്‍ സീസണില്‍ സാധാരണയേക്കാള്‍ കൂടുതല്‍ മഴ ലഭിക്കുമെന്നാണ് പ്രവചനം. എല്‍ നിനോ സാഹചര്യങ്ങളുടെ സാധ്യതയില്ലെന്നാണ് വിലയിരുത്തല്‍. കഴിഞ്ഞ വര്‍ഷം മെയ് 30 ന് തെക്കന്‍ സംസ്ഥാനങ്ങളില്‍ മണ്‍സൂണ്‍ ആരംഭിച്ചു. മുമ്പ് 2023 -ല്‍ ജൂണ്‍ 8, 2022 -ല്‍ മെയ് 29, 2021 -ല്‍ ജൂണ്‍ 3, 2020 -ല്‍ ജൂണ്‍ 1, 2019 -ല്‍ ജൂണ്‍ 8, 2018 -ല്‍ മെയ് 29 എന്നിങ്ങനെ തെക്കുപടിഞ്ഞാറന്‍ മണ്‍സൂണ്‍ എത്തിയതെന്നാണ് കണക്കുകള്‍. കാലാവസ്ഥാ നിരീക്ഷകരുടെ അഭിപ്രായത്തില്‍, ആരംഭ തീയതിയും സീസണില്‍ രാജ്യത്തുടനീളം ലഭിക്കുന്ന ആകെ മഴയും തമ്മില്‍ നേരിട്ട് ബന്ധമില്ല. കേരളത്തില്‍ മണ്‍സൂണ്‍ നേരത്തെയോ വൈകിയോ എത്തിയാലും മറ്റ് സംസ്ഥാനങ്ങളില്‍ ഇത് ബാധകമാകില്ലെന്നും കാലാവസ്ഥാ നിരീക്ഷണ വകുപ്പ് പറയുന്നു.
