തിരുവനന്തപുരം | തിരുവനന്തപുരം ജില്ലാ കോണ്‍ഗ്രസ് കമ്മിറ്റി (ഡിസിസി) മുന്‍ പ്രസിഡന്റ് പാലോട് രവിയുടെ ഫോണ്‍ സംഭാഷണം ചോര്‍ന്ന സംഭവത്തില്‍ ആഭ്യന്തര അന്വേഷണത്തിന് കേരള പ്രദേശ് കോണ്‍ഗ്രസ് കമ്മിറ്റി (കെപിസിസി). മുതിര്‍ന്ന നേതാവ് തിരുവഞ്ചൂര്‍ രാധാകൃഷ്ണന്‍ അധ്യക്ഷനായ അച്ചടക്ക സമിതിയാകും ഇക്കാര്യം അന്വേഷിക്കുന്നത്. ചോര്‍ച്ചയില്‍ പാര്‍ട്ടി അംഗങ്ങളുടെ പങ്കാളിത്തം ഉള്‍പ്പെടെയുള്ള വിവിധ വശങ്ങള്‍ പാനല്‍ അന്വേഷിക്കും.
ശനിയാഴ്ചയാണ് പാലോട് രവിയുടെ ഫോണ്‍ സംഭാഷണം ചോര്‍ന്നത്. വിവാദമായതിനെത്തുടര്‍ന്ന് ഡിസിസി പ്രസിഡന്റ് സ്ഥാനത്ത് നിന്ന് രവിയോട് രാജിവയ്ക്കാന്‍ ആവശ്യപ്പെട്ടതായി പാര്‍ട്ടി ആവശ്യപ്പെടുകയായിരുന്നു. മുന്‍ നിയമസഭാ സ്പീക്കറും മുതിര്‍ന്ന കോണ്‍ഗ്രസ് നേതാവുമായ എന്‍. ശക്തനാണ് നിലവില്‍ ഇടക്കാല ഡിസിസി പ്രസിഡന്റ്.
