ന്യൂഡല്‍ഹി | ലോക പരിസ്ഥിതി ദിനത്തോടനുബന്ധിച്ച്, ന്യൂഡല്‍ഹിയിലെ തന്റെ വസതിയില്‍ പ്രധാനമന്ത്രി നരേന്ദ്ര മോദി ഒരു സിന്ദൂര ചെടിയുടെ തൈ നട്ടു. 1971 ലെ ഇന്ത്യ-പാകിസ്ഥാന്‍ യുദ്ധത്തില്‍ അസാധാരണമായ ധൈര്യവും ദേശസ്നേഹവും പ്രകടിപ്പിച്ച ഗുജറാത്തിലെ കച്ചിലെ ധീരരായ അമ്മമാരും സഹോദരിമാരുമാണ് ഈ ചെടി അദ്ദേഹത്തിന് സമ്മാനിച്ചത്.
അടുത്തിടെ ഗുജറാത്ത് സന്ദര്‍ശിച്ചതിനെ അനുസ്മരിച്ചുകൊണ്ട്, നമ്മുടെ രാജ്യത്തെ സ്ത്രീശക്തിയുടെ ധൈര്യത്തിന്റേയും പ്രചോദനത്തിന്റെയും ശക്തമായ പ്രതീകമായി സിന്ദൂര ചെടിയുടെ സമ്മാനം നിലനില്‍ക്കുമെന്ന് പ്രധാനമന്ത്രി പറഞ്ഞു.
ഒരു എക്‌സ് പോസ്റ്റില്‍ പ്രധാനമന്ത്രി മോദി പറഞ്ഞു;
‘1971-ലെ യുദ്ധത്തില്‍ ധൈര്യത്തിന്റെയും വീര്യത്തിന്റെയും അത്ഭുതകരമായ മാതൃക സൃഷ്ടിച്ച കച്ചിലെ ധീരരായ അമ്മമാരും സഹോദരിമാരും അടുത്തിടെ ഗുജറാത്ത് സന്ദര്‍ശന വേളയില്‍ എനിക്ക് ഒരു സിന്ദൂരച്ചെടി സമ്മാനിച്ചു. ഇന്ന്, ലോക പരിസ്ഥിതി ദിനത്തില്‍, ന്യൂഡല്‍ഹിയിലെ പ്രധാനമന്ത്രിയുടെ വസതിയില്‍ ആ ചെടി നടാനുള്ള ഭാഗ്യം എനിക്ക് ലഭിച്ചു. നമ്മുടെ രാജ്യത്തെ സ്ത്രീശക്തിയുടെ വീര്യത്തിന്റെയും പ്രചോദനത്തിന്റെയും ശക്തമായ പ്രതീകമായി ഈ ചെടി നിലനില്‍ക്കും.’
