കൊച്ചി: ഫെബ്രുവരി 26, 27 തീയ്യതികളില്‍ കൊച്ചി മെട്രോ സര്‍വീസ് സമയം ദീര്‍ഘിപ്പിച്ചു. നാളെ (ഫെബ്രുവരി 26 ബുധന്‍) തൃപ്പൂണിത്തുറയില്‍ നിന്നുള്ള സര്‍വീസുകള്‍ രാത്രി 11.30 വരെ ഉണ്ടാകും. മറ്റന്നാള്‍ (ഫെബ്രുവരി 27ന് വ്യാഴം) ആലുവയില്‍ നിന്നുള്ള സര്‍വീസ് വെളുപ്പിന് 4.30 ന് ആരംഭിക്കും. തുടര്‍ന്ന് രാവിലെ ആറ് മണിവരെ അരമണിക്കൂര്‍ ഇടവിട്ടും പിന്നീട് സാധാരണ നിലയ്ക്കും ആലുവയില്‍ നിന്ന് സര്‍വ്വീസ് ഉണ്ടായിരിക്കുമെന്ന് മെട്രോ അധികൃതര്‍ അറിയിച്ചു. ആലുവ മഹാദേവ ക്ഷേത്രത്തിലെ ശിവരാത്രി ആഘോഷത്തോടനുബന്ധിച്ചാണ് കൊച്ചി മെട്രോ സര്‍വ്വീസ് സമയം കൂട്ടിയത്.
