ന്യൂഡല്‍ഹി | പാകിസ്ഥാന്റെ ഐഎസ്ഐക്ക് വേണ്ടി ചാരവൃത്തി നടത്തിയതിന് അറസ്റ്റിലായ യൂട്യൂബര്‍ ജ്യോതി മല്‍ഹോത്രയുടെ ചാറ്റ് വിവരങ്ങള്‍ പുറത്തായി. ജ്യോതി മല്‍ജോത്ര പാക് രഹസ്യാന്വേഷണ ഏജന്‍സിയായ ഐഎസ്ഐ ഉദ്യോഗസ്ഥരുമായി ബന്ധപ്പെട്ടിരുന്നുവെന്ന് വ്യക്തമാക്കുന്ന പുതിയ തെളിവുകളാണ് ലഭിച്ചത്.
ജ്യോതിയും ഐഎസ്ഐ ഉദ്യോഗസ്ഥനായ അലി ഹസനും തമ്മിലുള്ള വാട്ട്സ്ആപ്പ് ചാറ്റുകളാണ് കണ്ടെടുത്തത്. ചാറ്റില്‍ ഇന്ത്യാ വിരുദ്ധ ഗൂഢാലോചന വെളിപ്പെട്ടതായി അന്വേഷണ ഉദ്യോഗസ്ഥര്‍ വെളിപ്പെടുത്തി. ചാറ്റില്‍, അലി ഹസന്‍ ജ്യോതിയോട് കോഡ് ഭാഷയില്‍ സംസാരിക്കുന്നു. അട്ടാരി അതിര്‍ത്തിയില്‍ പോയപ്പോള്‍ ഏതെങ്കിലും രഹസ്യ ഏജന്റിനെ തിരിച്ചറിയാന്‍ കഴിയുമോ എന്നും, ഏതെങ്കിലും പ്രത്യേക പ്രോട്ടോക്കോള്‍ പ്രകാരം അയാള്‍ക്ക് പ്രവേശനം നല്‍കിയിട്ടുണ്ടോ എന്നും അയാള്‍ ചോദിക്കുന്നു.
ജ്യോതി മല്‍ഹോത്രയും ഐഎസ്ഐ ഓഫീസറും തമ്മിലുള്ള വാട്ട്സ്ആപ്പ് ചാറ്റിന്റെ ഒരു ഭാഗം ഇങ്ങനെയാണ്.
അലി ഹസന്‍: നിങ്ങള്‍ അട്ടാരിയില്‍ പോയപ്പോള്‍, ആര്‍ക്കൊക്കെ അവിടെ പ്രോട്ടോക്കോള്‍ ലഭിച്ചു?
ജ്യോതി: ആര്‍ക്കാണ് അത് ലഭിച്ചത്? എനിക്ക് അത് മനസ്സിലായില്ല.
അലി ഹസന്‍: അതായത് ഒരു രഹസ്യ വ്യക്തിയെ അയാളെ നോക്കിയാല്‍ തിരിച്ചറിയാന്‍ കഴിയും. നിങ്ങള്‍ അയാളെ പുറത്തു കൊണ്ടുപോകുകയോ അകത്തേക്ക് കൊണ്ടുവരുകയോ ചെയ്യണമായിരുന്നു. അത് എന്റെ കാര്യമാണ്… നീ അയാളെ ഗുരുദ്വാരയ്ക്കുള്ളിലേക്ക് കൊണ്ടുവന്ന്, രണ്ടുപേരെയും മുറിയില്‍ ഇരുത്തണമായിരുന്നു. ഇനി, അതില്‍ തുടരുക.
ജ്യോതി: ഇല്ല, അയാള്‍ക്ക് അത്ര ഭ്രാന്തായിരുന്നില്ല.
ഐഎസ്ഐ ഉദ്യോഗസ്ഥരാണ് ജ്യോതി മല്‍ഹോത്രയുടെ പാകിസ്ഥാനിലെ താമസ സൗകര്യം ഒരുക്കിയത്. ജ്യോതിയുടെ പാകിസ്ഥാന്‍ സന്ദര്‍ശന വേളയില്‍ അലി ഹസന്‍ അവളുടെ യാത്രയ്ക്കും ഒരു പഞ്ചനക്ഷത്ര ഹോട്ടലില്‍ താമസിക്കുന്നതിനുമുള്ള എല്ലാ ക്രമീകരണങ്ങളും ചെയ്തുവെന്നാണ് പോലീസ് പറയുന്നത്. 2023 ല്‍ ജ്യോതി ആദ്യമായി പാകിസ്ഥാനിലേക്ക് പോയപ്പോള്‍, അലി ഹസനുമായുള്ള കൂടിക്കാഴ്ചയ്ക്ക് ഡാനിഷ് സൗകര്യമൊരുക്കി. പാകിസ്ഥാനില്‍ അവര്‍ക്ക് പാക് പോലീസ് സംരക്ഷണം പോലും നല്‍കി. താമസിച്ചിരുന്ന പഞ്ചനക്ഷത്ര ഹോട്ടലിന്റെ വീഡിയോ ജ്യോതി ന്റെ യൂട്യൂബ് ചാനലില്‍ അപ്ലോഡ് ചെയ്യുകയും ചെയ്തിരുന്നു.
