ന്യൂഡൽഹി | കോൺഗ്രസിൻ്റെ പ്രതീക്ഷകളെ അവിസ്മരണീയമാം വിധത്തിൽ തല്ലിക്കെടുത്തി ഹരിയാനയിൽ ബി.ജെ.പി ഹാട്രിക് നേടുമോ? ജമ്മു കാശ്മീരിൽ ഇന്ത്യ സംഖ്യം മുന്നിലാണ്. എന്നാൽ ഗവർണറുടെ ‘പവറിൽ ‘ ആശങ്കപ്പെടേണ്ട സാഹചര്യവുമുണ്ട്.
90 സീറ്റുകളുള്ള ഹരിയാനയിൽ കോൺഗ്രസ് തുടക്കത്തിൽ കേവല ഭൂരിപക്ഷത്തിലേക്ക് എത്തുമെന്ന രീതിയിൽ ലീഡ് ചെയ്തു. എന്നാൽ വളരെ പെട്ടെന്നാണ് ഏവരെയും ഞെട്ടിച്ച് ബിജെപി ലീഡ് ഉയർത്തി തുടങ്ങിയത്. 49 – 35 നിലയിലാണ് ഏതു നിമിഷവും മാറാവുന്ന രീതിയിലുള്ള ബി.ജെ.പി കോൺഗ്രസ് ലീഡ് നില. ബിജെപി പാളയത്തിൽ സർക്കാർ രൂപീകരണത്തിനുള്ള തിരക്കിട്ട നീക്കങ്ങൾ തുടങ്ങിയെന്നാണ് റിപ്പോർട്ടുകൾ. വൈകിട്ട് പാർട്ടി ജനറൽ സെക്രട്ടറിമാരുടെ അടിയന്തര യോഗം ബിജെപി ദേശീയ അധ്യക്ഷൻ ജെ.പി. നഡ്ഡ വിളിച്ചു ചേർത്തിട്ടുണ്ട്.
#WATCH | Haryana: Congress candidate from Julana, Vinesh Phogat arrives at a counting centre in Jind.
— ANI (@ANI) October 8, 2024
She is currently trailing from Julana Assembly Constituency pic.twitter.com/NgUgH7YvCW
ജമ്മു കശ്മീരിൽ നാഷനൽ കോൺഫറൻസിന്റെ കൈപിടിച്ച് ഇന്ത്യ സഖ്യമാണ് മുന്നിൽ. നാഷനൽ കോൺഫറൻസ് 40 സീറ്റിലും ബിജെപി 28 സീറ്റിലും മുന്നിലാണ്. കോൺഗ്രസ് 10 സീറ്റിലാണ് ലീഡ് ചെയ്യുന്നത്. എൻസിയുടെ ഒമർ അബ്ദുല്ല മത്സരിച്ച രണ്ടിടങ്ങളിലും മുന്നിലാണ്.
