ന്യൂഡല്‍ഹി | എക്സില്‍ ലേഖനം എഴുതിയതിനും ചില പോസ്റ്റുകള്‍ ഇട്ടതിനും രജിസ്റ്റര്‍ ചെയ്ത നാല് എഫ്ഐആറുകളുമായി ബന്ധപ്പെട്ട് രണ്ട് മാധ്യമപ്രവര്‍ത്തകരെ നാല് ആഴ്ച കൂടി അറസ്റ്റ് ചെയ്യരുതെന്ന് സുപ്രീം കോടതി ബുധനാഴ്ച ഉത്തര്‍പ്രദേശ് പോലീസിനോട് നിര്‍ദ്ദേശിച്ചു. മാധ്യമപ്രവര്‍ത്തകരായ അഭിഷേക് ഉപ്ധ്യായ, മമത ത്രിപാഠി എന്നിവര്‍ക്കെതിരെ നിര്‍ബന്ധിത നടപടികള്‍ സ്വീകരിക്കരുതെന്ന് സംസ്ഥാന പോലീസിനോട് ആവശ്യപ്പെട്ട മുന്‍ ഉത്തരവ് നാല് ആഴ്ച കൂടി നീട്ടി.
അതേസമയം, ഉത്തര്‍പ്രദേശിലെ പല സ്ഥലങ്ങളിലും അവര്‍ക്കെതിരെ രജിസ്റ്റര്‍ ചെയ്തിട്ടുള്ള എഫ്ഐആറുകള്‍ റദ്ദാക്കാന്‍ മാധ്യമപ്രവര്‍ത്തകര്‍ക്ക് നിയമപരമായ പരിഹാരങ്ങള്‍ തേടാമെന്ന് ബെഞ്ച് പറഞ്ഞു.
‘പൊതുഭരണത്തിന്റെ ജാതി ചലനാത്മകത’യെക്കുറിച്ച് ഉപാധ്യായ ഒരു ലേഖനം പ്രസിദ്ധീകരിച്ചിരുന്നു. ഇതുകൂടാതെ ഉത്തര്‍പ്രദേശില്‍ പ്രധാനപ്പെട്ട സ്ഥാനങ്ങളില്‍ വിന്യസിക്കപ്പെട്ടിരിക്കുന്ന ഒരു പ്രത്യേക ജാതിയിലുള്ള ആളുകളെക്കുറിച്ച് ത്രിപാഠി എഴുതിയ ചില പോസ്റ്റുകളുമായി ബന്ധപ്പെട്ടാണ് നിരവധി എഫ്ഐആറുകള്‍ പോലീസ് രജിസ്റ്റര്‍ ചെയ്തത്.
‘മതവികാരം വ്രണപ്പെടുത്തിയ കുറ്റത്തിന്’ പോലീസ് അവര്‍ക്കെതിരെ ജാമ്യമില്ലാ ശിക്ഷാ വകുപ്പുകള്‍ ചുമത്തിയിട്ടുണ്ടെന്നും നിര്‍ബന്ധിത സംസ്ഥാന നടപടികളില്‍ നിന്ന് സംരക്ഷണം ആവശ്യമാണെന്നും ഉപാധ്യായയെ പ്രതിനിധീകരിച്ച അഭിഭാഷകന്‍ പറഞ്ഞു. ഉപാധ്യായയുടെയും ത്രിപാഠിയുടെയും ഹര്‍ജികള്‍ ബെഞ്ച് തീര്‍പ്പാക്കി.
‘ജനാധിപത്യ രാജ്യങ്ങളില്‍, ഒരാളുടെ അഭിപ്രായങ്ങള്‍ പ്രകടിപ്പിക്കാനുള്ള സ്വാതന്ത്ര്യത്തെ മാനിക്കുന്നു. ഇന്ത്യന്‍ ഭരണഘടനയുടെ ആര്‍ട്ടിക്കിള്‍ 19(1)(എ) പ്രകാരം മാധ്യമപ്രവര്‍ത്തകരുടെ അവകാശങ്ങള്‍ സംരക്ഷിക്കപ്പെടുന്നു. ഒരു പത്രപ്രവര്‍ത്തകന്റെ രചനകള്‍ സര്‍ക്കാരിനെതിരായ വിമര്‍ശനമായി കണക്കാക്കപ്പെടുന്നതിനാല്‍, എഴുത്തുകാരനെതിരെ ക്രിമിനല്‍ കേസുകള്‍ ചുമത്തരുത്’ എന്ന് പറഞ്ഞുകൊണ്ട് നേരത്തെ ബെഞ്ച് ഉപാധ്യായയെ സംരക്ഷിച്ചിരുന്നു. പിന്നീട്, ത്രിപാഠിക്കും നിര്‍ബന്ധിത നടപടികളില്‍ നിന്ന് സംരക്ഷണം നല്‍കി. ജസ്റ്റിസുമാരായ എംഎം സുന്ദരേശ്, രാജേഷ് ബിന്‍ഡാല്‍ എന്നിവരടങ്ങിയ ബെഞ്ച് മാധ്യമപ്രവര്‍ത്തകരായ അഭിഷേക് ഉപ്ധ്യായ, മമത ത്രിപാഠി എന്നിവര്‍ക്കെതിരെ നിര്‍ബന്ധിത നടപടികള്‍ സ്വീകരിക്കരുതെന്ന് സംസ്ഥാന പോലീസിനോട് ആവശ്യപ്പെട്ടുകൊണ്ട് മുന്‍ ഉത്തരവ് നാല് ആഴ്ച കൂടി നീട്ടിയത്.
