‘ഓര്‍ഡിനന്‍സ് സ്‌റ്റേ ചെയ്തത് ശുംഭന്മാര്‍; സുപ്രീംകോടതിക്ക് ഹിന്ദുത്വ അജണ്ട’

0

കണ്ണൂര്‍, കരുണ മെഡിക്കല്‍കോളജുകളുടെ കോഴനിയമങ്ങള്‍ ക്രമപ്പെടുത്തുന്നതിനുവേണ്ടി ഒത്തുകളിക്കുന്ന സി.പി.എമ്മിനെ കല്‍ാക്കി അഡ്വ.ജയശങ്കര്‍.

സര്‍ക്കാരിന്റെ ഓര്‍ഡിനന്‍സ് സ്‌റ്റേ ചെയ്തത് സുപ്രീംകോടതിയിലെ ചില ശുംഭന്മാരാണെന്നും സുപ്രീംകോടതിക്ക് ഹിന്ദുത്വ അജണ്ട തുറന്നുകാട്ടണമെന്നും സി.പി.എമ്മിനെ അദ്ദേഹം ഫെയ്‌സ്ബുക്ക്‌പോസ്റ്റില്‍ പരിഹസിച്ചു.

ഫെയ്‌സ്ബുക്ക്‌പോസ്റ്റിന്റെ പൂര്‍ണ്ണരൂപം:

”കണ്ണൂര്‍, കരുണാ സഹായ ഓര്‍ഡിനന്‍സ് സുപ്രീംകോടതിയിലെ രണ്ടു ശുംഭന്മാര്‍ സ്റ്റേ ചെയ്‌തെന്നു കരുതി, സ്വാശ്രയ മുതലാളിമാരെയും നിഷ്‌കളങ്കരായ വിദ്യാര്‍ത്ഥി സഖാക്കളെയും സഹായിക്കുന്ന ചരിത്ര ദൗത്യത്തില്‍ നിന്ന് ഇടതുപക്ഷ പാര്‍ട്ടികളും സര്‍ക്കാരും പിന്‍മാറുകയില്ല.

ഓര്‍ഡിനന്‍സേ സ്റ്റേ ചെയ്തിട്ടുളളൂ. നിയമസഭ ഐകകണ്ഠന പാസാക്കിയ നിയമം നിലനില്‍ക്കുന്നു. അതിന് ഗവര്‍ണര്‍ അനുമതി തന്നേതീരൂ. ബില്ല് തിരിച്ചയച്ചാല്‍ പിന്നെയും പാസാക്കും, രാഷ്ട്രപതിയുടെ പരിഗണനയ്ക്ക് അയച്ചാല്‍ രാജ്ഭവന്‍ ഉപരോധിക്കും. ഗവര്‍ണര്‍ അനുമതി നല്‍കുംവരെ സമരത്തോടു സമരമായിരിക്കും.

ഇനി, കരുണാ സഹായ നിയമവും റദ്ദാക്കിയാലോ? വിദ്യാര്‍ത്ഥികളെ ജനകീയ ചൈനയില്‍ അയച്ചു പഠിപ്പിക്കും അതിന്റെ സകല ചെലവും സര്‍ക്കാര്‍ വഹിക്കും. പാസായി വരുമ്പോള്‍ സര്‍ക്കാരാസ്പത്രിയില്‍ നിയമിക്കും.

ഇതോടൊപ്പം സുപ്രീംകോടതിയുടെ ഹിന്ദുത്വ അജണ്ട തുറന്നുകാട്ടും. ന്യൂനപക്ഷ സ്ഥാപനങ്ങള്‍ തകര്‍ക്കാനാണ് ജഡ്ജിമാര്‍ ശ്രമിക്കുന്നത്, ചീഫ്ജസ്റ്റിസിനെ ഇംപീച്ച് ചെയ്യാന്‍ സിപിഎം നോട്ടീസ് കൊടുത്തതിന്റെ പ്രതികാര നടപടിയാണ് എന്ന് പ്രചരിപ്പിക്കും. ശുംഭന്മാരുടെ കോലം കത്തിക്കും, പ്രതീകാത്മകമായി നാടുകടത്തും.

# കോഴക്കോളേജുകള്‍ക്കൊപ്പം.”


Loading...

LEAVE A REPLY

Please enter your comment!
Please enter your name here