ലിഗയുടെ മരണത്തില്‍ പ്രതിഷേധിച്ച് നടി, വരാപ്പുഴ പിന്നെ ഈ നാട്ടില്‍  അല്ലാത്തോണ്ട്  കുഴപ്പമില്ലെന്ന് ഹണിറോസ്

0
കോവളത്തുനിന്നും കാണാതായ വിദേശവനിതയുടെ മൃതദേഹം നാട്ടുകാര്‍ കണ്ടെത്തി പോലീസിന് കാണിച്ചുകൊടുച്ചു. അന്വേഷണം വീണ്ടും ഒരുവഴിക്ക് നടക്കുന്നുമുണ്ട്. തുമ്പൊന്നും കിട്ടുന്നുമില്ല.  ഇനിയതും മരിച്ചവരുടെ ബന്ധുക്കളോ നാട്ടുകാരോ കണ്ടെത്തിക്കൊടുക്കണം. ഇതാണ് അവസ്ഥ.- കേരളാപോലീസിന്റെ ഈ നിസംഗതയ്‌ക്കെതിരേ പ്രതികരിച്ചിരിക്കുകയാണ് നടി ഹണിറോസ്. പരാതിയുമായി ചെന്ന ലിഗയുടെ സഹോദരിയോട് ‘നിങ്ങള്‍ വിചാരിക്കും പോലെ ഈ നാട്ടില്‍ വില്ലന്മാരോ അധോലോകമോ ഒന്നുമില്ല’. – എന്നുപറഞ്ഞത്രേ. വരാപ്പുഴ ഈ നാട്ടില്‍ അല്ലാത്തതുകൊണ്ട് കുഴപ്പമില്ലെന്നാണ് ഹണിറോസ് പോലീസിനെ കളിയാക്കുന്നത്.

ഫെയ്‌സ്ബുക്കപോസ്റ്റിന്റെ പൂര്‍ണ്ണരൂപം:

” ദൈവത്തിന്റെ സ്വന്തം നാട് തന്നെയാണേ..
ലിഗ വിദേശിയാണ്.. അവര്‍ക്ക് മതമോ ജാതിയോ വോട്ടോ ഒന്നും തന്നെയില്ല, അവര്‍ക്ക് വേണ്ടി ഹാഷ് ടാഗുകളില്ല, ആള്‍ക്കൂട്ടമോ പ്രതിഷേധമോ ഇല്ല, രാഷ്ട്രീയ പാര്‍ട്ടിക്കാരുടെ ഹര്‍ത്താലില്ല, ചാനല്‍ ചര്‍ച്ചയില്ല.
അയര്‍ലണ്ടില്‍ നിന്നും ചികിത്സക്കായി കേരളത്തിലെത്തിയതാണ് ലിഗയും ഭര്‍ത്താവും അനിയത്തിയും. പക്ഷേ ദൈവത്തിന്റെ സ്വന്തം നാടെന്ന് വിശ്വസിച്ച് എത്തിയ അവര്‍ക്ക് തെറ്റി. ഒരു മാസം മുമ്പ് ലിഗയെ കാണാതായായെന്ന വാര്‍ത്ത സോഷ്യല്‍ മീഡിയയില്‍ കണ്ടത്. ദാ ഒരു മാസത്തിനു ഇപ്പുറം അവരുടെ മൃതദേഹം ശിരസ്സറ്റ നിലയില്‍ കണ്ടെത്തിയിരിക്കുന്നു.
അന്ന് ലിഗയെ കാണാനില്ല എന്ന് പോസ്റ്റര്‍ ലിഗയുടെ ഭര്‍ത്താവ് നാട് മുഴവനും ഒട്ടിക്കുന്ന വിഡിയോയൊക്കെ എല്ലാരുടെയും ശ്രദ്ധയില്‍പ്പെട്ടിട്ടുണ്ടാവാം. ഭര്‍ത്താവ് ആന്‍ഡ്രൂ ജോര്‍ദാനും ഇലീസുനും അവളെ കണ്ടെത്താം എന്ന പ്രതീക്ഷയിലായിരുന്നു ഇന്നലെ വരെ. ആ പ്രതീക്ഷയാണ് ഇന്നലെ അവസാനിച്ചത്.
നമ്മുടെ പൊലീസിന് നിരപരാധികളെ സ്റ്റേഷനില്‍ അടിച്ചു കൊല്ലാന്‍ മാത്രമേ സാധിക്കു.. കാണാതായവരെ അവരുടെ ബന്ധുക്കള്‍ കണ്ടത്തെട്ടെ.. കേസുമായി ബന്ധപ്പെട്ട സാമൂഹിക പ്രവര്‍ത്തക അശ്വതി ജ്വാല പോലീസ് സ്റ്റേഷനില്‍ പരാതിയുമായി പോയപ്പോള്‍ പോലീസ്‌കാര്‍ പറഞ്ഞ മറുപടി വിചിത്രമാണ്.
‘നിങ്ങള്‍ വിചാരിക്കും പോലെ ഈ നാട്ടില്‍ വില്ലന്മാരോ അധോലോകമോ ഒന്നുമില്ല’. വാരാപ്പുഴ പിന്നെ ഈ നാട്ടില്‍ അല്ലാത്തോണ്ട് പിന്നെ കുഴപ്പമില്ല.
ദൈവത്തിന്റെ സ്വന്തം നാട് കൊടുത്ത വിധിയുമായി അവളും അവളുടെ പ്രിയപ്പെട്ടവരും തിരികെ പോകട്ടെ.. നിങ്ങള്‍ക്ക് ഇവിടെ നീതി കിട്ടില്ല. അവിടെയുള്ളവരോട് പറയൂ..
ഇത് കേരളമാണ്.. ഇത് ഇന്ത്യയാണ്.. ഇവിടെ ഇങ്ങനെയാണ്..!”

Loading...

LEAVE A REPLY

Please enter your comment!
Please enter your name here