ഇന്ത്യയില്‍ ഏറ്റവുംകൂടുതല്‍ തൊഴിലവസരം നല്‍കുന്നത് ഐഐടി ദില്ലി

ഇന്ത്യയിലെ ഏറ്റവും കൂടുതല്‍ തൊഴിലവസരം നല്‍കുന്ന സര്‍വകലാശാലയായി ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ടെക്‌നോളജി തെരഞ്ഞെടുക്കപ്പെട്ടു. ഗ്ലോബല്‍ എംപ്ലോയബിലിറ്റി റാങ്കിംഗ് ആന്‍ഡ് സര്‍വേ (ഗിയേഴ്‌സ് 2020) പ്രകാരമാണ്
ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ടെക്‌നോളജി നേട്ടം കൈവരിച്ചത്. ആഗോളതലത്തില്‍ 27-ാമത്തെ റാങ്കാണ് ഇതില്‍ ഐഐടി ദില്ലി നേടിയത്. 2019 -ല്‍ 54 റാങ്കില്‍ നിന്നാണ് 2020-ല്‍ 27 റാങ്കിലേക്ക് ഉയര്‍ന്നത്.

ഫ്രഞ്ച് എച്ച്ആര്‍ കണ്‍സള്‍ട്ടന്‍സി ഗ്രൂപ്പായ എമര്‍ജിംഗ് ആന്റ് ടൈംസ് ഹയര്‍ എഡ്യൂക്കേഷന്‍ പ്രസിദ്ധീകരിച്ച പഠനമനുസരിച്ച്, 2020 ലെ തൊഴില്‍ സാധ്യതയുടെ കാര്യത്തില്‍ ഐഐടി ദില്ലി ലോകത്തിലെ 27-ാമത്തെ മികച്ച റാങ്കാണ് നേടിയത്. അതേസമയം, ബാംഗ്ലൂരിലെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സ് 71-ാം സ്ഥാനത്തെത്തി. 2019 ലെ 43-ാം റാങ്കില്‍ നിന്ന് താഴേക്കാണ് പോയതെന്നു മാത്രം.

കാലിഫോര്‍ണിയ ഇന്‍സ്റ്റിറ്റ്യൂട്ട് ഓഫ് ടെക്‌നോളജിയാണ് ലോകത്തില്‍ ഒന്നാം സ്ഥാനത്തെത്തിയത്. ഹാര്‍വാര്‍ഡ് മൂന്നാം സ്ഥാനത്തേക്ക് പിന്തള്ളപ്പെട്ടു. മസാച്യുസെറ്റ്‌സ് ഇന്‍സ്റ്റിറ്റ്യൂട്ട് ഓഫ് ടെക്‌നോളജി രണ്ടാം സ്ഥാനത്തെത്തി.

LEAVE A REPLY

Please enter your comment!
Please enter your name here