മുംബൈ: വിവാദമായ വ്യാജ ടി.ആര്‍.പി അഴിമതിക്കേസില്‍ ബ്രോഡ്കാസ്റ്റ് ഓഡിയന്‍സ് റിസര്‍ച്ച്‌ കൗണ്‍സിലി​െന്‍റ (BARC) മുന്‍ സി.ഇ.ഒ പാര്‍ത്തോ ദാസ്​ ഗുപ്​തയെ മുംബൈ പൊലീസി​െന്‍റ ക്രൈംബ്രാഞ്ച് യൂണിറ്റ്​​ അറസ്റ്റ്​ ചെയ്​തു. സംഘത്തിലുള്ള ഒരു ഉദ്യോഗസ്ഥനെ ഉദ്ധരിച്ച്‌​ ടൈംസ്​ ഒാഫ്​ ഇന്ത്യയാണ്​ ഇത്​ റിപ്പോര്‍ട്ട്​ ചെയ്​തിരിക്കുന്നത്​. റിപബ്ലിക്​ ടിവിയടക്കമുള്ള വിവിധ ചാനലുകള്‍ക്ക്​ ടെലിവിഷന്‍ റേറ്റിങ്​ പോയിന്‍റുകള്‍ (ടി.ആര്‍.പി) വ്യാജമായി കൂട്ടി നല്‍കിയ കേസില്‍ അറസ്റ്റിലാകുന്ന പതിനഞ്ചാമത്തെ വ്യക്​തിയാണ്​ പാര്‍ത്തോ ദാസ്​ ഗുപ്​ത.

പൂനെ ജില്ലയിലെ രാജ്ഗഡ് പോലീസ് സ്റ്റേഷനടുത്ത്​ വെച്ചായിരുന്നു​ ക്രൈം ഇന്‍റലിജന്‍സ് യൂണിറ്റ്​​ (സി.ഐ.യു) ഇയാളെ അറസ്റ്റ് ചെയ്തത്​. വെള്ളിയാഴ്ച കോടതിയില്‍ ഹാജരാക്കുമെന്നും അധികൃതര്‍ അറിയിച്ചിട്ടുണ്ട്​. കേസില്‍ ബാര്‍ക് മുന്‍ ചീഫ് ഓപ്പറേറ്റിങ്​ ഓഫീസര്‍ (സി.ഒ.യു) റാമില്‍ രാംഗരിയയെ നേരത്തെ അറസ്റ്റ് ചെയ്തിരുന്നു.

ചില ചാനലുകള്‍ ടി.ആര്‍.പി റേറ്റിങ്ങില്‍ കൃത്രിമം കാണിക്കുന്നതായി ബാര്‍ക്​ പരാതി നല്‍കിയതിനെ തുടര്‍ന്നായിരുന്നു മുംബൈ പൊലീസ്​ അന്വേഷണം ആരംഭിച്ചത്​. റേറ്റിങ്​ ഏജന്‍സി തെരഞ്ഞെടുക്കുന്ന ചില സാമ്ബിള്‍ വീടുകളിലെ വ്യൂവര്‍ഷിപ്പ്​ ഡാറ്റ റെക്കോര്‍ഡ്​ ചെയ്​തുകൊണ്ടാണ്​ ചാനലുകളുടെ ടി.ആര്‍.പി അളക്കുന്നത്​. ഇത്തരത്തില്‍ കണ്ടെത്തുന്ന റേറ്റിങ്,​ ചാനലുകള്‍ക്ക്​ വളരെ നിര്‍ണായകമാണ്​. പരസ്യദാതാക്കളെ ആകര്‍ഷിക്കാനാണ്​ ഇത്​ സഹായിക്കുന്നത്​. എന്നാല്‍, വീട്ടുകാര്‍ക്ക്​ പണം നല്‍കിക്കൊണ്ട്​ ഒരേ ചാനല്‍ തന്നെ നിരന്തരം ടിവിയില്‍ ​പ്ലേ ചെയ്യിപ്പിച്ച്‌​ ടി.ആര്‍.പി വര്‍ധിപ്പിക്കാന്‍ ചിലര്‍ ശ്രമിക്കുന്നുവെന്നായിരുന്നു​ പരാതി​.

LEAVE A REPLY

Please enter your comment!
Please enter your name here