ബിജു മേനോനും പാർവതിയും ഷറഫുദ്ദീനും ഒന്നിക്കുന്ന ‘ആർക്കറിയാം’; ടീസറും റിലീസ് തീയ്യതിയും പുറത്ത്!

ബിജു മേനോനും പാർവതിയും ഷറഫുദ്ദീനും മുഖ്യ കഥാപാത്രങ്ങളായെത്തുന്ന പുതിയ ചിത്രമാണ് ‘ആർക്കറിയാം’. ചിത്രത്തിൻ്റെ ടൈറ്റിൽ പോസ്റ്ററും ടീസറും ഒന്നിച്ചിറക്കിക്കൊണ്ടായിരുന്നു ചിത്രത്തിൻ്റെ പ്രഖ്യാപനം. ഉലകനായകൻ കമൽഹാസ്സനും ഫഹദ് ഫാസിലും തങ്ങളുടെ ഫേസ്ബുക്ക് പേജിലൂടെയാണ് ചിത്രം പ്രഖ്യാപിച്ചത്. ചിത്രത്തിനായി കാത്തിരിക്കണമെന്നും ഒരുപാട് പ്രതീക്ഷയുള്ള ചിത്രമാണിതെന്നും ബിജു മേനോൻ കഴിഞ്ഞ ദിവസം ഫേസ്ബുക്കിൽ കുറിച്ചിരുന്നു. ഇപ്പോൾ പുറത്ത് വിട്ട ടീസറിൽ പാർവതിയും ഷറഫുദ്ദീനും ബിജു മോനോനുമാണുള്ളത്. തീർത്തും വേറിട്ട ലുക്കിലാണ് ബിജു മേനോൻ ചിത്രത്തിലെത്തുന്നത്. വയോധികൻ്റെ ഗെറ്റപ്പിലാണ് ബിജു മേനോൻ ചിത്രത്തിൽ പ്രത്യക്ഷപ്പെടുന്നത്. യാത്രയ്ക്കിടയിൽ പെട്ടുപോയ രണ്ട് പേരായാണ് പാർവതിയും ഷറഫുദ്ദീനും ചിത്രത്തിലെത്തുന്നതെന്നാണ് ടീസറിൽ നിന്ന് മനസിലാക്കാനായതെന്ന് പ്രേക്ഷകർ പറയുന്നു. ചിത്രം ഫെബ്രുവരി 26ന് പ്രേക്ഷകരിലേക്കെത്തും.

സന്തോഷ് ടി കുരുവിളയും ആഷിഖ് അബുവും ചേർന്നാണ് ചിത്രം നിർമ്മിക്കുന്നത്. സനു ജോൺ വറുഗ്ഗീസാണ് ചിത്രത്തിൻറെ സംവിധായകൻ. മൂൺഷോട്ട് എൻ്റർടെയ്ൻമെൻ്റ്സിൻ്റെയും ഒപിഎം ഡ്രീം മിൽ സിനിമാസിൻ്റെയും ബാനറിലാണ് ചിത്രത്തിൻ്റെ നിർമ്മാണം. ചിത്രത്തിന് തിരക്കഥ ഒരുക്കിയിരിക്കുന്നത് സംവിധായകൻ സനു ജോൺ വറുഗ്ഗീസും രാജേഷ് രവിയും അരുൺ ജനാർദ്ദനനും ചേർന്നാണ്. സംവിധായകനായ മഹേഷ് നാരായണനാണ് ചിത്രത്തിൻ്റെ എഡിറ്റിംഗ് നിർവ്വഹിക്കുന്നത്.

ജി ശ്രീനിവാസ് റെഡ്ഡിയാണ് ഛായാഗ്രഹണം നിർവ്വഹിക്കുന്നത്. നേഹ അയ്യരും യക്ഷൻ ഗാരി പെരേയ്രായും ചേർന്നാണ് സംഗീതം ഒരുക്കുന്നത്. ചിത്രത്തിൻ്റെ പ്രൊഡക്ഷൻ ഡിസൈൻ നിർവ്വഹിക്കുന്നത് രതീഷ് ബാലകൃഷ്ണ പൊതുവാളാണ്. ജ്യോതിഷ് ശങ്കറാണ് കല. സമീറ സനീഷാണ് കോസ്റ്റ്യൂം കൈകാര്യം ചെയ്യുന്നത്. രഞ്ജിത്ത് അമ്പാടിയാണ് മേക്കപ്പ്. അരുൺ സി തമ്പിയും സന്ദീപാ രക്ഷിതുമാണ് ചിത്രത്തിൻ്റെ എക്സിക്യൂട്ടീവ് പ്രൊഡ്യൂസേഴ്സ്, വാവയാണ് ചീഫ് അസോസിയേറ്റ് ഡയറക്ടർ. ബെന്നി കട്ടപ്പനയാണ് പ്രൊഡക്ഷൻ കണ്ട്രോളർ. ചിത്രത്തിൻ്റെ പോസ്റ്റർ ഡിസൈനിംഗ് ഓൾഡ് മൊങ്ക്സാണ്. ചിത്രം ഇപ്പോൾ പോസ്റ്റ് പ്രൊഡക്ഷൻ സ്റ്റേജിലാണ്.

LEAVE A REPLY

Please enter your comment!
Please enter your name here