കൊല്ലത്ത് കാണാതായ ബ്യൂട്ടീഷ്യന്റെ മൃതദേഹം പാലക്കാട് കുഴിച്ചിട്ട നിലയില്‍

പാലക്കാട്: കൊല്ലത്തുനിന്ന് മാര്‍ച്ച് 17 മുതല്‍ കാണാതായ യുവതിയുടെ മൃതദേഹം പാലക്കാട്ടെ വാടക വീട്ടിനു സമീപം കുഴിച്ചിട്ട നിലയില്‍. കൊല്ലം കൊട്ടിയം നടുവിലക്കരയില്‍ നിന്നും കാണാതായ സുചിത്ര(42)യുടെ മുതദേഹമാണ് കണ്ടെത്തിയത്. കോഴിക്കോട് സ്വദേശിയായ യുവാവിനെ പോലീസ് കസ്റ്റഡിയിലെടുത്തു. കൊല്ലം ജില്ലാ ക്രൈംബ്രാഞ്ച് സംഘം സ്ഥലത്തെത്തി പരിശോധന നടത്തി. കൊല്ലത്തെ സ്വകാര്യ സ്ഥാപനത്തില്‍ ബ്യൂട്ടീഷ്യന്‍ പരിശീലകയായിരുന്നു കൊല്ലപ്പെട്ട സുചിത്ര.