ആലുവ: മുന്‍പൊതുമരാമത്തു മന്ത്രി ഇബ്രാഹിം കുഞ്ഞിന്റെ ആലുവയിലെ വീട്ടില്‍ വിജിലന്‍സ് റെയ്ഡ്. മൂവാറ്റുപുഴ കോടതിയുടെ അനുമതിയോടെയാണ് പാലാരിവട്ടം മേല്‍പ്പാലം അഴിമതിയുമായി ബന്ധപ്പെട്ട റെയ്ഡ്.
കേസില്‍ വി.കെ. ഇബ്രാഹിംകുഞ്ഞിനെ പ്രതിചേര്‍ത്ത് മൂവാറ്റുപുഴ കോടതിയില്‍ വിജിലന്‍സ് ഞായറാഴ്ച റിപ്പോര്‍ട്ട് നല്‍കിയിരുന്നു. പിന്നാലെയാണ് പെരിയാര്‍ ക്രസന്റ് എന്ന വീട്ടില്‍ റെയ്ഡിന് എത്തിയത്. സൂരജിന്റെ മൊഴി എടുത്തതിനു പിന്നാലെയാണ് ഇബ്രാഹിം കുഞ്ഞിനെ പ്രതിചേര്‍ക്കാന്‍ വിജിലന്‍സ് തീരുമാനിച്ചത്.
