വാഷിങ്ടണ്‍: അമേരിക്കയുടെ പ്രസിഡന്റായി അധികാരത്തിൽ എത്തി ആഴ്ചകള്‍ക്കുള്ളിൽ തന്നെ നിര്‍ണായക കാര്യങ്ങളില്‍ തീരുമാനങ്ങള്‍ സ്വീകരിച്ച് ജോ ബൈഡൻ. ആദ്യഘട്ടമെന്നവണ്ണം പശ്ചിമേഷ്യൻ രാജ്യങ്ങളിലേക്കുള്ള ആയുധങ്ങളുടെ വിൽപ്പന നിര്‍ത്തിവച്ച് അമേരിക്ക.

സൗദി അറേബ്യയിലേക്കും യുഎഇയിലേക്കുമുള്ള ആയുധ വിൽപ്പന പുനപ്പരിശോധിക്കാനൊരുങ്ങുകയാണ് രാജ്യം. അന്താരാഷ്ട്ര വാര്‍ത്താ ഏജൻസിയായ എഎഫ്പിയാണ് ഇത്തരത്തിൽ ഒരു വാര്‍ത്ത പുറത്തുവിട്ടിരിക്കുന്നത്. യുണൈറ്റഡ് അറബ് എമിറേറ്റുകളിലേക്കുള്ള (യുഎഇ) എഫ് -35 ജെറ്റുകളും സൗദി അറേബ്യയിലേക്കുള്ള ആയുധങ്ങളുടെ വിൽപ്പനയുമാണ് മരവിപ്പിച്ചിരിക്കുന്നത്. ട്രംപ് ഭരണകൂടത്തിന്റെ നിര്‍ണായക ഉടമ്പടിയായ അബ്രഹാം ഉടമ്പടിയിലാണ് ബന്ധം ഉണ്ടായിരിക്കുന്നത്. ഇതിലൂടെ ഇസ്രായേലുമായുള്ള ബന്ധം മെച്ചപ്പെടുകയും ചെയ്തിരുന്നു.

ട്രംപ് ഭരണകൂടം അംഗീകരിച്ച ആയുധ വിൽപ്പന ബൈഡൻ ഭരണകൂടം അവലോകനം ചെയ്യുന്നത് അസാധാരണമല്ലെന്നും താൽക്കാലികമായി നിർത്തിവച്ചിട്ടും ഇടപാടുകൾ പലതും മുന്നോട്ട് പോകാൻ സാധ്യതയുണ്ടെന്നും യുഎസ് അധികൃതർ പറഞ്ഞു. നേതൃത്വത്തിന് അവലോകനം നടത്താൻ അവസരം നൽകുന്നതിനായി നിരവധി പ്രതിരോധ വിൽ‌പന നടപ്പാക്കുന്നത് ഭരണകൂടം താൽ‌ക്കാലികമായി നിർത്തുകയാണെന്ന് സ്റ്റേറ്റ് ഡിപ്പാർട്ട്‌മെന്റ് വക്താവ് പറഞ്ഞു. ഇത് ഏതൊരു മാറ്റത്തിന് സമാനമായ ഒരു പതിവ് അഡ്മിനിസ്ട്രേറ്റീവ് നടപടിയാണ്, ഇത് സുതാര്യതയ്ക്കും നല്ല ഭരണത്തിനുമുള്ള ഭരണകൂടത്തിന്റെ പ്രതിബദ്ധത വ്യക്തമാക്കുന്നു, വക്താവ് വ്യക്തമാക്കി.

LEAVE A REPLY

Please enter your comment!
Please enter your name here