ഡിമന്‍ഷ്യ എന്നത് മറവി മാത്രമല്ല, കാര്യങ്ങള്‍ ചെയ്യാന്‍ കഴിയാതിരിയ്ക്കുക എന്നതിനാല്‍ കൂടിയാണ്. ഇതുണ്ടാകാന്‍ കാരണങ്ങള്‍ പലതാണ്. നാം പൊതുവേ അല്‍ഷീമേഴ്‌സ് എന്നാണ് മറവി രോഗത്തെ പറയുക. അല്‍ഷീമേഴ്‌സ് ആണ് 60 ശതമാനവും ഡിമന്‍ഷ്യക്കു കാരണമാകുന്നത്. ഡിമന്‍ഷ്യയുണ്ടാകുന്നത് തലച്ചോറിലെ കോശങ്ങള്‍ നശിക്കുമ്പോഴാണ്. ഇതിന് തുടക്കത്തില്‍ തന്നെ പല ലക്ഷണങ്ങളും ശരീരം കാണിയ്ക്കും. ഇതു തിരിച്ചറിഞ്ഞാല്‍ ഈ രോഗം കീഴടക്കാതെയിരിയ്ക്കാന്‍ സഹായിക്കും.

സാധാരണ ചെറിയ ചെറിയ മറവികളായി ഇതാരംഭിയ്ക്കും. നല്ലതു പോലെ ചെയ്തിരുന്ന കാര്യങ്ങള്‍ ചെയ്യാന്‍ സാധിയ്ക്കാതെ വരുന്നു, പുതിയ കാര്യങ്ങള്‍ പഠിയ്ക്കാന്‍ ബുദ്ധിമുട്ട്, സമയത്തെ കുറിച്ചുള്ള ബോധം നഷ്ടപ്പെടുക, അറിയാവുന്ന കാര്യങ്ങളും വഴികളും മറക്കുക, പെട്ടെന്ന് ദേഷ്യം, സങ്കടം, അതു പോലെ ഗ്യാസ് ഓണാക്കി വച്ച് മറക്കുക, സാധനങ്ങള്‍ വച്ച് മറക്കുക എന്നിവയെല്ലാം ഇതിന്റെ ഉദാഹരണമാണ്. ഇത്തരം രോഗികളുടെ ഓര്‍മയില്‍ ഗ്യാപ് ഉണ്ടാകാം. ഇതിനാല്‍ തന്നെ പുറത്തു നിന്നും നോക്കുന്നയാള്‍ക്ക്, കേള്‍ക്കുന്നയാള്‍ക്ക് അയാള്‍ കള്ളം പറയുന്നുവെന്നു തോന്നും. ഇതെല്ലാം ഏറെ തുടക്കമാണ്. മിനി മെന്റല്‍ സ്‌റ്റേറ്റ് എക്‌സാമിനേഷനിലൂടെ ഇത് കണ്ടെത്താം.

ഡിമെന്‍ഷ്യയല്ലാതെ ഇതു പോലെയുളള മറ്റ് രോഗങ്ങളുമുണ്ട്. പ്രായമാകുമ്പോള്‍ കേള്‍വി, കാഴ്ചക്കുറവ് എന്നിവ കാരണം ഉളളതായി നമുക്കു തോന്നും. ഡിപ്രഷന്‍ ഉണ്ടാകാം. ഇതും ചിലപ്പോള്‍ ഓര്‍ക്കുറവായി വരാം. തലച്ചോറില്‍ ക്ഷതമേറ്റാല്‍, തലച്ചോറില്‍ ട്യൂമര്‍ എന്നിവയെല്ലാം തന്നെ ഡിമെന്‍ഷ്യ ലക്ഷണം പോലെ തോന്നാം. എന്നാല്‍ ഇത് ഡിമെന്‍ഷ്യയല്ല. മറ്റു രോഗങ്ങളാണ്. ഇതിനാല്‍ തന്നെ മറവി രോഗമെന്നു കരുതി ഇതൊന്നും അവഗണിയ്ക്കരുത്.

ല്ലൊരു ശതമാനം ഡിമെന്‍ഷ്യയും തടയാന്‍ സാധിയ്ക്കും. ജീവിത ശൈലിയിലെ വ്യത്യാസങ്ങള്‍ വരുത്തി. അമിത രക്തസമ്മര്‍ദമെങ്കില്‍ ഇത് നിയന്ത്രിയ്ക്കുക. ബിപി കൂടുന്നത് ഡിമെന്‍ഷ്യക്കു കാരണമാകാം. കാരണം ബിപി കൂടുന്നത് തലച്ചോറിന് ദോഷം വരുത്തും. ഇതു പോലെ പ്രമേഹം, അതായത് ടൈപ്പ് 2 ഡയബെറ്റിസ് എങ്കില്‍ ഇതിന് സാധ്യതയുണ്ട്. ഇതിനാല്‍ ഇതും നിയന്ത്രിയ്ക്കുക. ഇതു പോലെ കൊളസ്‌ട്രോള്‍ നിയന്ത്രിയ്ക്കുക.

ഫിസിക്കല്‍, മെന്റല്‍, സോഷ്യല്‍ കാര്യങ്ങള്‍ ശ്രദ്ധിച്ചാല്‍ ഇവ തടയാം ഫിസിക്കല്‍ വ്യായാമം ചെയ്യാം. 40 മിനിറ്റു വരെ ഏറോബിക്‌സ് വ്യായാമം ചെയ്യാം. നടക്കുക, ഓടുക, സൈക്കിള്‍, നീന്തുക എന്നിവയെല്ലാം ഇതില്‍ പെടും. ഹാര്‍ട്ട് ബീറ്റ് കൂടുന്ന വിധത്തിലെ വ്യായാമങ്ങള്‍. മസില്‍ ശക്തി വര്‍ദ്ധിപ്പിയ്ക്കുന്ന സ്‌ട്രെഗ്ത് ട്രെയിനിംഗ് ചെയ്യാം. ഇതെല്ലാം തലച്ചോറിനെ സഹായിക്കുന്നവയാണ്. ഇതു പോലെ തലച്ചോറിനെ സഹായിക്കുന്ന തരം പസിലുകള്‍, ഗെയിമുകള്‍ എന്നിവ ചെയ്യാം. ഇതു പോലെ സമൂഹവുമായി നല്ല രീതിയില്‍ അടുത്തിടപഴകുമ്പോള്‍ ഇത് നല്ല കെമിക്കലുകള്‍ ഉല്‍പാദിപ്പിയ്ക്കുന്നു. തലച്ചോറിനെ സഹായിക്കുന്നു.

ഡയറ്റ് പ്രധാനമാണ്. ഒമേഗ ത്രീ സമ്പുഷ്ടമായ ഭക്ഷണം, പഴങ്ങളും പച്ചക്കറികളും, ഒലീവ് ഓയില്‍ എന്നിവ നല്ലതാണ്. കാര്‍ബോഹൈഡ്രേറ്റ് കുറയ്ക്കുക. പ്രോസസ് ചെയ്ത ഭക്ഷണം കഴിയ്ക്കാതിരിയ്ക്കുക. ഭക്ഷണത്തില്‍ മിതത്വം പാലിയ്ക്കാം. മദ്യപാനം, പുകവലി എന്നിവ ദോഷം വരുത്തും. ഇതു പോലെ നല്ലതുപോലെ ഉറങ്ങുക, സ്‌ട്രെസ് ഒഴിവാക്കാന്‍ നോക്കുക. യോഗ, മെഡിറ്റേഷന്‍ എന്നിവ ഗുണം നല്‍കുന്നവയാണ്. ഇതെല്ലാം ഒരു പരിധി വരെ ഡിമെന്‍ഷ്യ വരുന്നത് കുറയ്ക്കാന്‍ സഹായിക്കും.

LEAVE A REPLY

Please enter your comment!
Please enter your name here