പെര്‍ത്ത്: വനിതാ ട്വന്റി20 ലോകകപ്പില്‍ അയല്‍ക്കാരായ ബംഗ്ലാദേശിനെ 18 റണ്‍സിനു തോല്‍പ്പിച്ച് ഇന്ത്യന്‍ വനിതകളുടെ മുന്നേറ്റം. ടോസ് നഷ്ടപ്പെട്ട് ബാറ്റിംഗിനിറങ്ങിയ ഇന്ത്യ നിശ്ചിത 20 ഓവറില്‍ ആറു വിക്കറ്റ് നഷ്ടത്തില്‍ 142 റണ്‍സ് നേടി. മറുപടി ബാറ്റിംഗിനിറങ്ങിയ ബംഗ്ലാദേശിന്റെ പോരാട്ടം 20 ഓവറില്‍ എട്ടു വിക്കറ്റ് നഷ്ടത്തില്‍ 124 റണ്‍സില്‍ അവസാനിച്ചു. പൂനം യാദവ് മൂന്നു വിക്കറ്റ് നേടി. 17 പന്തില്‍ 39 റന്‍സടിച്ച് മിന്നുന്ന തുടക്കം സമ്മാനിച്ച ഷഫാലി വര്‍മയാണ് കളിയിലെ താരം. തുടര്‍ച്ചയായ രണ്ടാമത്തെ വിജയത്തോശട ഇന്ത്യ നോക്കൗട്ടിന്റെ അടുത്തെത്തിയിരിക്കയാണ്. അടുത്ത മത്സരം നൂസിലാന്‍ഡിനെതിരെയാണ്.
