റണ്ണൊഴുക്ക് ഇല്ലാതിരുന്നിട്ടും ക്ലാസ് ഷോട്ടുകള്‍ കണ്ട് മലയാളികള്‍, ഇന്ത്യന്‍ വിജയം എട്ടു വിക്കറ്റിന്

തിരുവനന്തപുരം | റണ്‍സ് ഒഴുകാന്‍ മടിച്ച കാര്യവട്ടത്ത് വിജയം കൈപ്പിടിയിലൊതുക്കി ടീം ഇന്ത്യ. ദക്ഷിണാഫ്രിക്കയ്‌ക്കെതിരായ ഒന്നാം ട്വന്റി 20 മത്സരത്തില്‍ എട്ടു വിക്കറ്റ് വിജയമാണ് ഇന്ത്യ നേടിയത്. ആദ്യം ബാറ്റു ചെയ്ത ദാക്ഷിണാഫ്രിക്ക 107 റണ്‍സിന്റെ വിജയ ലക്ഷ്യമാണ് ഇന്ത്യയ്ക്കു മുന്നിലേക്കു വച്ചത്. 20 പന്തുകള്‍ ബാക്കി നില്‍ക്കേ ഇന്ത്യ ലക്ഷ്യം കണ്ടു.

ക്യാപ്റ്റന്‍ രോഹിത് ശര്‍മയും വിരാട് കോലിയും ബാറ്റിംഗില്‍ നിരാശപ്പെടുത്തിയെങ്കിലും ഓപ്പണര്‍ കെ.എല്‍. രാഹുലും സൂര്യകുമാര്‍ യാദവും ദൗത്യം ഏറ്റെടുത്തു. ഇരുവരും അര്‍ധസെഞ്ച്വറി തികച്ചതും കാണികളെ ആവേശത്തിലാക്കി. 14 ബൗണ്ടറികളാണ് ഇരുവരുടെയും ബാറ്റുകളില്‍ നിന്നു പിറന്നത്.

ടോസ് നേടി ബാറ്റിംഗിനിറങ്ങിയ ദക്ഷിണാഫ്രിക്കയെ കാത്തിരുന്നത് വമ്പന്‍ തകര്‍ച്ചയാണ്. തകര്‍പ്പന്‍ പ്രകടനം കാഴ്ചവച്ച ഇന്ത്യണ്‍ ബൗളര്‍മാര്‍ ദക്ഷിണാഫ്രിക്കന്‍ ബാറ്റിംഗ് നിരയുടെ നട്ടെല്ലൊടിച്ചു. ബുംറയ്ക്കും ഭുവനേശ്വറിനും പകരം ടീമിലിടം നേടിയ അര്‍ഷ്ദീപ് സിംഗും ദീപക് ചാഹറും നിറഞ്ഞാടി. 41 റണ്‍സെടുത്ത കേശവ് മഹാരാജ് മാത്രമാണ് പ്രതിരോധിച്ചു നിന്നത്.

LEAVE A REPLY

Please enter your comment!
Please enter your name here