മുതിര്‍ന്ന സി.പി.എം നേതാവ് കോടിയേരി ബാലകൃഷ്ണന്‍ അന്തരിച്ചു

തിരുവനന്തപുരം | സി.പി.എം പോളിറ്റ് ബ്യൂറോ അംഗവും മുന്‍ സംസ്ഥാന സെക്രട്ടറിയുമായ കോടിയേരി ബാലകൃഷ്ണന്‍ (69) അന്തരിച്ചു. അര്‍ബുദബാധ ഉള്‍പ്പെടെയുള്ള ആരോഗ്യ പ്രശ്‌നങ്ങളെ തുടര്‍ന്ന് ചെന്നൈ അപ്പോളോ ആശുപത്രിയില്‍ ചികിത്സയിലായിരുന്നു. തിങ്കളാഴ്ച ഉച്ചകഴിഞ്ഞ് കണ്ണൂരിലാണ് സംസ്‌കാരം.

ആരോഗ്യസ്ഥിതി മോശമായതിനെ തുടര്‍ന്ന് സംസ്ഥാന സെക്രട്ടറി സ്ഥാനം ഒഴിഞ്ഞശേഷമാണ് അദ്ദേഹം ചികിത്സയ്ക്കായി ചെന്നൈയിലേക്കു പോയത്. സംസ്ഥാന സെക്രട്ടറി എം.വി. ഗോവിന്ദന്‍ അടക്കമുള്ള മുതിര്‍ന്ന നേതാക്കള്‍ ചെന്നൈയിലെത്തിയിട്ടുണ്ട്. കോടിയേരിയുടെ ആരോഗ്യനിലയില്‍ ആശങ്ക ഉയര്‍ന്നതിനെ തുടര്‍ന്ന് മുഖ്യമന്ത്രിയുടെ യൂറോപ്പ് യാത്ര നീട്ടിവച്ചിരുന്നു.

വിദ്യാര്‍ത്ഥി പ്രസ്ഥാനത്തിലൂടെയായിരുന്നു കോടിയേരിയുടെ രാഷ്ട്രീയ പ്രവേശം. 1982, 1987, 2001, 2006, 2011 വര്‍ഷങ്ങളില്‍ തലശ്ശേരിയില്‍ നിന്നു നിയമസഭയിലെത്തി. 2001ല്‍ പ്രതിപക്ഷ നേതാവായും 2006ല്‍ വി.എസ് മന്ത്രിസഭയില്‍ ആഭ്യന്തര മന്ത്രിയായും പ്രവര്‍ത്തിച്ചു. 2015ലാണ് സി.പി.എം സംസ്ഥാന സെക്രട്ടറി പദവിയിലേക്കു എത്തിയത്.

LEAVE A REPLY

Please enter your comment!
Please enter your name here