പന്തളം: മരിച്ചെന്നു സ്ഥിരീകരിച്ച വ്യക്തി മൂന്ന് മാസത്തിനു ശേഷം തിരിച്ചെത്തിയ ഞെട്ടലിൽ പന്തളം. ഇദ്ദേഹത്തിൻ്റേതെന്നു കരുതി ബന്ധുക്കള്‍ തിരിച്ചറിഞ്ഞ മൃതദേഹം മൂന്ന് മാസം മുൻപ് സംസ്കരിച്ചിരുന്നു. എന്നാൽ കഴിഞ്ഞ ദിവസം യഥാര്‍ഥ വ്യക്തിയെ സുഹൃത്തുക്കള്‍ ചേര്‍ന്ന് വീട്ടിലെത്തിക്കുകയായിരുന്നു.

കടശ്ശനാട് പൂഴിക്കാട് വിളയിൽ കിഴക്കേതിൽ പരേതനായ കുഞ്ഞുമോൻ്റെ മകൻ സക്കായി എന്ന സാബു (35) ആണ് മാസങ്ങള്‍ക്ക് ശേഷം വീട്ടിൽ തിരിച്ചെത്തിയത്. ഇതോടെ മൂന്ന് മാസം മുൻപ് അപടകടത്തിൽപ്പെട്ടു മരിച്ചയാള്‍ ആരാണെന്നു കണ്ടെത്താനുള്ള ശ്രമത്തിലാണ് പോലീസ്.

ഹോട്ടൽ ജീവനക്കാനായും ബസ് ക്ലീനറായും ജോലി ചെയ്തിരുന്ന സാബു ഇടയ്ക്കിടെ മാത്രമാണ് വീട്ടിൽ വന്നിരുന്നത്. ചെറിയ തോതിലുള്ള മോഷണങ്ങളും ഇയാള്‍ നടത്തിയിരുന്നതായായാണ് മാതൃഭൂമി റിപ്പോര്‍ട്ട്. കഴിഞ്ഞ വര്‍ഷം നവംബറിൽ തിരുവനന്തപുരത്തെ ഒരു ഹോട്ടലിൽ നിന്ന് 46,000 രൂപ മോഷ്ടിച്ചെന്ന കേസിിലാണ് സാബുവിനെ പോലീസ് അറസ്റ്റ് ചെയ്തത്. എന്നാൽ ഇതിനു ശേഷം ഇയാളെപ്പറ്റി വിവരമില്ലായിരുന്നു. എന്നാൽ 2020 ഡിസംബറിൽ പാലാ ഇടപ്പാടിയിൽ ഒരാള്‍ കാറിടിച്ചു മരിച്ചെന്ന വാര്‍ത്തയാണ് വഴിത്തിരിവായത്. അജ്ഞാത മൃതദേഹം തിരിച്ചറിയാനായി പാലാ പോലീസ് മറ്റു സ്റ്റേഷനുകളിലേയ്ക്കും ഇയാളുടെ ചിത്രം അയച്ചു കൊടുക്കുകയായിരുന്നു. എന്നാൽ ഇത് സാബുവാണെന്നായിരുന്നു തിരുവനന്തപുരം പോലീസ് സംശയിച്ചത്. തുടര്‍ന്ന് സാബുവിൻ്റെ സഹോദരനായ സജിയുമായി ബന്ധപ്പെടുകയായിരുന്നു.

മരിച്ചയാളുടെ ചിത്രം പാലാ പോലീസ് ഇവരുമായും പങ്കുവെച്ചു. രണ്ട് ദിവസത്തിനു ശേഷം പാലായിലെത്തിയ സജിയും ബന്ധുക്കളും ഈ മൃതദേഹം സാബുവിൻ്റേതാണെന്ന് തിിരിച്ചറിയുകയായിരുന്നുവെന്ന് റിപ്പോര്‍ട്ടിൽ പറയുന്നു. ഒരു സംശയവും തോന്നിയിരുന്നില്ലെന്നാണ് സജി പറയുന്നത്. പോസ്റ്റ്മോര്‍ട്ടത്തിനും മറ്റു നടപടികള്‍ക്കും ശേഷം മൃതദേഹം സാബുവിൻ്റെ കുടുംബത്തിനു വിട്ടുകൊടുത്തു. ഡിസംബര്‍ 30ന് മൃതദേഹം കടശ്ശനാട് സെൻ്റ് സ്റ്റീഫൻസ് ഓര്‍ത്തഡോക്സ് പള്ളി സെമിത്തേരിയിൽ സംസ്കരിക്കുകയും ചെയ്തു.

എന്നാൽ മൂന്ന് മാസം പിന്നിടാൻ ദിവസങ്ങള്‍ മാത്രം ബാക്കി ിൽക്കേ വെള്ളിയാഴ്ച സാബു തിരിച്ചെത്തുകായിയരുന്നു. ഇയാള്‍ മുൻപ് ജോലി ചെയ്തിരുന്ന ബസിലെ ഡ്രൈവറായ മുരളീധരനായിരുന്നു സാബുവിനെ കണ്ടെത്തിയത്. തുടര്‍ന്ന് ഇയാളുടെ സുഹൃത്തുക്കളും സജിയും ചേര്‍ന്ന് സാബുവിനെ പന്തളം പോലീസ് സ്റ്റേഷനിലെത്തിക്കുകയായിരുന്നു. നഗരസഭാ കൗൺസിലര്‍ കെ സീനയും സ്ഥലത്തെത്തി സാബുവിനെ തിരിച്ചറിഞ്ഞു.

അതേസമയം, സാബുവെന്ന് തെറ്റിദ്ധരിച്ച് സംസ്കരിച്ചത് ആരുടെ മ‍ൃതദേഹമാണെന്ന് തിരിച്ചറിയാനുള്ള ശ്രമത്തിലാണ് പോലീസ്. അപകടം നടന്ന ദിവസങ്ങളിൽ കാണാതായവരെ കുറിച്ചുള്ള വിവരങ്ങള്‍ പോലീസ് ശേഖരിക്കുന്നുണ്ട്. ഇക്കാര്യങ്ങള്‍ പരിശോധിച്ച് പാലാ പോലീസിന് റിപ്പോര്‍ട്ട് നല്‍കുമെന്ന് അടൂര്‍ ഡിവൈഎസ്പി ബി വിനോദ് മാതൃഭൂമിയോടു പറഞ്ഞു. മൃതദേഹത്തിൻ്റെ ആന്തരാവയവങ്ങളുടെ സാമ്പിളുകളും ഡിഎൻഎ പരിശോധനയ്ക്കായി ശേഖരിച്ചിരുന്നു. ഇതും അന്വേഷണത്തിൽ ഗുണം ചെയ്തേക്കും.

LEAVE A REPLY

Please enter your comment!
Please enter your name here