കൊച്ചി: വേണ്ടിവന്നാൽ നിയമസഭാ തെരഞ്ഞെടുപ്പിൽ ഒറ്റയ്ക്ക് മത്സരിക്കുമെന്ന് പിസി ജോർജ്ജ്. ഏത് മുന്നണിക്കൊപ്പം എന്ന കാര്യത്തിൽ 11-ന് നടക്കുന്ന യുഡിഎഫ് യോഗത്തിനു ശേഷം തീരുമാനമാകുമെന്നും ജോർജ്ജ് പറഞ്ഞു. യുഡിഎഫ് പ്രവേശനത്തിന് കോൺഗ്രസ് പ്രാദേശിക നേതൃത്വത്തിന് എതിർപ്പുണ്ടെങ്കിൽ അവഗണിക്കും. പൂഞ്ഞാറിൽ ഇനിയും ഒറ്റയ്ക്ക് മത്സരിക്കാൻ തയ്യാറാണെന്നും ആരുടേയും ഔദാര്യം ആവശ്യമില്ലെന്നും അദ്ദേഹം വ്യക്തമാക്കി-

പതിനൊന്നിന് യുഡിഎഫ് യോഗമുണ്ട്. അതിനു ശേഷം ഏത് മുന്നണിക്കൊപ്പം ഉണ്ടാകുമെന്ന് തീരുമാനം പറയും. തെരഞ്ഞെടുപ്പിൽ അഞ്ച് മണ്ഡലങ്ങൾ ആവശ്യപ്പെടും. പൂഞ്ഞാറിൽ ഇനിയും ഒറ്റയ്ക്ക് മത്സരിക്കാൻ തയ്യാറാണ്. അതിന് ആരുടേയും ഔദാര്യം വേണ്ടെന്നും അദ്ദേഹം പറഞ്ഞു. കോൺഗ്രസിന്റെ പ്രാദേശിക നേതൃത്വത്തിന് എതിർപ്പുണ്ടല്ലോ എന്ന ചോദ്യത്തിന്, അവരോട് പോകാൻ പറ എന്നായിരുന്നു പിസി ജോർജ്ജിന്റെ പ്രതികരണം.

പിസി ജോർജ്ജിനെ മുന്നണിയിലെടുത്താൽ ഇടതുമുന്നണിയുടെ വിജയത്തിനായി പ്രവർത്തിക്കുമെന്നാണ് ഈരാറ്റുപേട്ട ബ്ലോക്ക് കോൺഗ്രസ് പ്രസിഡന്റും മുൻ നഗരസഭാ അധ്യക്ഷനുമായ നിസാർ കുർബാനി വ്യക്തമാക്കി. പിസി ജോർജ്ജിന്റെ മുസ്ലിം വിരുദ്ധ പരാമർശം അംഗീകരിക്കാൻ സാധിക്കില്ലെന്ന് അദ്ദേഹം പറഞ്ഞു. നേരത്തെ ഈരാറ്റുപേട്ട ബ്ലോക്ക് കമ്മിറ്റിക്കു കീഴിൽ വരുന്ന ആറ് മണ്ഡലം കമ്മിറ്റികൾ പിസി ജോർജ്ജിനെ മുന്നണിയിൽ എടുക്കരുതെന്നാവശ്യപ്പെട്ട് പ്രമേയം പാസാക്കിയിരുന്നു.

LEAVE A REPLY

Please enter your comment!
Please enter your name here