ന്യൂഡൽഹി: കാർഷിക നിയമത്തിനെതിരെ പ്രതിഷേധിക്കുന്നവർ ഡൽഹിയിൽ പ്രവേശിക്കുന്നത് തടയുന്നതിനായി അതിർത്തികൾ അടച്ച കേന്ദ്രസർക്കാരിനെതിരെ രൂക്ഷ വിമർശനവുമായി സിപിഐ നേതാവ് കനയ്യ കുമാർ. ഹെലികോപ്റ്ററിൽ റോന്ത് ചുറ്റുന്ന ചതിയൻ കമ്പിവേലികൾ ഉപയോഗിച്ച് കർഷകരെ തടയുകയാണെന്ന് അദ്ദേഹം പറഞ്ഞു.

ഹെലികോപ്റ്ററിൽ റോന്തു ചുറ്റുന്ന ചതിയൻ, കർഷകർ ട്രാക്ടറിൽ ഡൽഹിയിലേക്ക് എത്താതിരിക്കാൻ അതിർത്തികൾ കമ്പിവേലി കെട്ടി അടച്ചിരിക്കുകയാണ്.” മോദിക്കെതിരെയുള്ള കനയ്യയുടെ ട്വീറ്റ് നിരവധി പേരാണ് പങ്കുവെച്ചിരിക്കുന്നത്.

കഴിഞ്ഞ രണ്ട് മാസത്തിലേറെയായി കേന്ദ്രസർക്കാരിന്റെ കാർഷിക നിയമത്തിനെതിരെ കർഷകർ പ്രതിഷേധിക്കുകയാണ്. കാർഷിക നിയമങ്ങൾ പിൻവലിക്കുന്നതുമായി ബന്ധപ്പെട്ട ഒരു സൂചനയും കേന്ദ്രം ഇതുവരെ നൽകിയിട്ടില്ല. നിയമം പിൻവലിക്കാതെ പിന്നോട്ടില്ലെന്നാണ് കർഷകർ വ്യക്തമാക്കിയിരിക്കുന്നത്.

കേന്ദ്രസർക്കാരിന്റെ ബജറ്റിൽ അവഗണിച്ചതിനാൽ സമരം തുടരാനാണ് കർഷകരുടെ തീരുമാനം. തങ്ങളുടെ പ്രശ്നങ്ങൾ പരിഹരിക്കാൻ പ്രത്യേക ബജറ്റ് ആവശ്യമാണെന്ന് സമര നേതാവ് രാകേഷ് ടികായത് പറഞ്ഞു. കർഷകരുടെ കടങ്ങൾ എഴുതി തള്ളണമെന്നും അദ്ദേഹം ആവശ്യപ്പെട്ടു.

സമരം ചെയ്യുന്ന കർഷകർക്ക് പിന്തുണയുമായി പഞ്ചാബ് സർക്കാർ രംഗത്തെത്തിയിട്ടുണ്ട്. ഡൽഹി പോലീസ് ചുമത്തിയിരിക്കുന്ന കേസുകളിൽ നിയമ സഹായം വേഗത്തിൽ എത്തിക്കുന്നതിനായി 70 അഭിഭാഷകരുടെ ഒരു സംഘത്തെ ഡൽഹിയിൽ ഒരുക്കിയിട്ടുണ്ടെന്ന് പഞ്ചാബ് മുഖ്യമന്ത്രി അമരീന്ദർ സിങ് വ്യക്തമാക്കി. ഡൽഹിയിൽ കാണാതായ കർഷകരെ നേരിട്ട് ഇടപെട്ട് വീട്ടിൽ തിരികെ എത്തിക്കുമെന്നും അദ്ദേഹം വ്യക്തമാക്കി.

LEAVE A REPLY

Please enter your comment!
Please enter your name here