ന്യൂഡല്‍ഹി: സുരക്ഷാ കാരണങ്ങൾ മുൻനിർത്തി കേന്ദ്രസർക്കാർ വീണ്ടും ആപ്പുകൾ നിരോധിച്ചു. 43 ആപ്ലിക്കേഷനുകളാണ് പുതുതായി നിരോധിച്ചത്. ഐടി ആക്ടിലെ 69 എ വകുപ്പ് പ്രകാരമാണ് നടപടി. പ്രമുഖ ഷോപ്പിംഗ് സൈറ്റായ അലി എക്സ്പ്രസും നിരോധിച്ച ആപ്പുകളില്‍ ഉള്‍പ്പെടും. ചൈനീസ് ഇ-കൊമേഴ്സ് കമ്പനിയായ ആലിബാബക്ക് കീഴിലാണ് അലി എക്സ്പ്രസ് പ്രവര്‍ത്തിക്കുന്നത്.

രാജ്യത്തിന്റെ അഖണ്ഡതയ്ക്കും സ്വതന്ത്ര പരമാധികാരത്തിനും സാമൂഹിക-പ്രതിരോധ സുരക്ഷയ്ക്കും വെല്ലുവിളി ഉയർത്തിയ സാഹചര്യത്തിലാണ് നിരോധന നടപടി. ഇതോടെ ഇന്ത്യ നിരോധിച്ച ആപ്പുകളുടെ എണ്ണം 220 ആയി ഉയർന്നു.നേരത്തെ ഇക്കഴിഞ്ഞ ജൂണില്‍ കേന്ദ്രം ആദ്യമായി 59 ചൈനീസ് ആപ്പുകള്‍ നിരോധിച്ചിരുന്നു. അതിന് ശേഷം സെപ്റ്റംബര്‍ 2ന് 118ന് മുകളില്‍ ആപ്പുകള്‍ കൂടി നിരോധിക്കുകയുണ്ടായി.

LEAVE A REPLY

Please enter your comment!
Please enter your name here