ഹിന്ദു ദൈവങ്ങളെ അപമാനിച്ചെന്ന കേസ്: കൊമേഡിയൻ മുനവർ ഫാറൂഖിയ്ക്ക് ജാമ്യമില്ല

ഭോപ്പാൽ: മതവികാരം വ്രണപ്പെടുത്തിയെന്ന കേസിൽ അറസ്റ്റിലായ സ്റ്റാൻഡ് അപ്പ് കൊമേഡിയൻ മുനവ്വർ ഫാറൂഖിയുടെ ജാമ്യാപേക്ഷ മധ്യപ്രദേശ് ഹൈക്കോടതി തള്ളി. ഫാറൂഖി കുറ്റം ചെയ്തില്ല എന്നതിന് തെളിവുകളൊന്നുമില്ലെന്ന് നിരീക്ഷിച്ചാണ് കോടതി ജാമ്യാപേക്ഷ തള്ളിയിരിക്കുന്നത്. സംഭവത്തിൽ അന്വേഷണം പുരോഗമിക്കുകയായണെന്നും കോടതി വ്യക്തമാക്കി.

മതവികാരം വൃണപ്പെടുത്തുന്ന രീതിയിൽ താൻ പരാമർശങ്ങളൊന്നും നടത്തിയിട്ടില്ലെന്ന മുനവർ ഫാറൂഖിയുടെ വാദങ്ങൾ തള്ളിയാണ് കോടതി ജാമ്യം നിഷേധിച്ചിരിക്കുന്നത്. ഹിന്ദു ദൈവങ്ങളെ അപമാനിച്ചെന്നും കേന്ദ്ര ആഭ്യന്തര മന്ത്രി അമിത് ഷായ്ക്കെതിരെ അധിക്ഷേപകരമായ പരാമർശം നടത്തിയെന്നുമുള്ള പരാതിയിലാണ് ഗുജറാത്ത് സ്വദേശിയായ മുനവർ ഫാറൂഖ് ഉൾപ്പടെ അഞ്ച് പേരെ ഇൻഡോർ പോലീസ് അറസ്റ്റ് ചെയ്തത്.

മുനവർ ഫാറൂഖി, എഡ് വിൻ ആന്റണി, പ്രഖാർ വ്യാസ്, പ്രിയം വ്യാസ്, നളിൻ യാദവ് എന്നിവർക്കെതിരെയായിരുന്നു ഇൻഡോർ പോലീസ് നടപടി. മധ്യപ്രദേശിലെ ബിജെപി എംഎൽഎ മാലിനി ഗൗറിന്റെ മകൻ ഏകലവ്യ ഗൗർ നൽകിയ പരാതിയിലായിരുന്നു അറസ്റ്റ്.

ജനുവരി ഒന്നിന് ഇൻഡോറിലെ 56 ദുകാൻ മേഖലയിലെ കഫേയിൽ വച്ചു നടന്ന ചടങ്ങിൽ ഗുജറാത്ത് സ്വദേശിയായ മുനവർ ഫാറുഖി ഹിന്ദു ദൈവങ്ങൾക്കും കേന്ദ്ര ആഭ്യന്തരമന്ത്രി അമിത് ഷായ്ക്കും എതിരെ മോശം പരമാർശം നടത്തിയതെന്നാണ് പരാതിയിലുള്ളത്.

LEAVE A REPLY

Please enter your comment!
Please enter your name here