തിരുവനന്തപുരം: വാളയാർ കേസ് അന്വേഷണം സിബിഐക്ക് വിടാൻ തീരുമാനം. അന്വേഷണത്തിനുള്ള വിജ്ഞാപനം ഇറക്കാൻ മുഖ്യമന്ത്രി പിണറായി വിജയൻ നിർദേശം നൽകി. പെണ്‍കുട്ടികളുടെ വീട്ടുകാരുടെ ആവശ്യം അംഗീകരിച്ചാണ് സര്‍ക്കാര്‍ നടപടി.

ആഭ്യന്തര അഡീഷണല്‍ ചീഫ് സെക്രട്ടറിയോട് ഉടന്‍തന്നെ കേസ് സിബിഐക്ക് കൈമാറുന്നതിനുള്ള നടപടികള്‍ സ്വീകരിക്കാന്‍ മുഖ്യമന്ത്രി നിര്‍ദേശം നൽകിയതായി മാതൃഭൂമി റിപ്പോർട്ട് ചെയ്തു. കേസ് സിബിഐക്ക് കൈമാറുന്നതിന്‍റെ ഭാഗമായി സംസ്ഥാനം കേന്ദ്ര പേഴ്‌സണല്‍ മന്ത്രാലയത്തിന് കേസ് ഏറ്റെടുക്കണമെന്നുള്ള നിര്‍ദേശം സമര്‍പ്പിക്കും.

അന്വേഷണ സംഘത്തിനും വിചാരണയ്ക്കുമെതിരെ വിമർശനം നടത്തി കഴിഞ്ഞദിവസമായിരുന്നു പ്രതികളെ വെറുതെവിട്ട ഉത്തരവ് ഹൈക്കോടതി റദ്ദാക്കിയത്. ഇതിന് പിന്നാലെയാണ് വാളയാർ കേസിൽ സിബിഐ അന്വേഷണം വരുന്നത്. പ്രായപൂർത്തിയാകാത്ത സഹോദരിമാരെ മരിച്ച നിലയിൽ കണ്ടെത്തിയ സംഭവം സംസ്ഥാനത്ത് വൻ വിവാദങ്ങൾക്ക് വഴി തെളിയിച്ചിരുന്നു.

വാളയാർ കേസിൽ പുനർ വിചാരണയ്ക്ക് ഉത്തരവിട്ട ഹൈക്കോടതി തുടർ അന്വേഷണം ആവശ്യമെങ്കിൽ പോലീസിന് വിചാരണ കോടതിയിൽ അപേക്ഷ നൽകാമെന്ന് അറയിച്ചിരുന്നു. ഇതിന് പിന്നാലെ തന്നെ കുട്ടികളുടെ കുംടുംബം സബിഐ അന്വേഷണം ആവശ്യപ്പെട്ടും രംഗത്തെത്തി. വിഷത്തിൽ നിയമോപദേശം തേടിയതിന് പിന്നാലെയാണ് കേസ് സിബിഐക്ക് വിടാനുള്ള തീരുമാനം പുറത്ത് വന്നിരിക്കുന്നത്.

LEAVE A REPLY

Please enter your comment!
Please enter your name here