| തിരുവനന്തപുരം: മാധ്യമപ്രവര്ത്തകന് എസ് വി പ്രദീപിനെ ഇടിച്ചിട്ട ലോറി കണ്ടെത്തി. ഡ്രൈവറെ പോലീസ് കസ്റ്റഡിയിലെടുത്തു. വണ്ടിയും ഡ്രൈവറെയും ഈഞ്ചക്കലില് വച്ചാണ് പോലീസ് കസ്റ്റഡിലെടുത്തത്. ഫോര്ട്ട് അസിസ്റ്റന്റ് കമ്മീഷണര് പ്രതാപന്റെ നേത്യത്വത്തിലാണ് നടപടി. | |
ഇന്നലെ ഉച്ചക്ക് ശേഷം മൂന്നരയ്ക്കായിരുന്നു അപകടം ഉണ്ടായത്. എസ് വി പ്രദീപിനെ ഇടിച്ചിട്ട ലോറി നിര്ത്താതെ പോകുകയായിരുന്നു. കാരയ്ക്കാമണ്ഡപം സിഗ്നലിന് സമീപം വച്ചാണ് അപകടം ഉണ്ടായത്. ഇടിയുടെ ആഘാതത്തില് റോഡിലേക്ക് വീണ പ്രദീപിന്റെ തലയിലൂടെ ലോറി കയറിയിറങ്ങി. ട്രാഫിക് സിസിടിവി ഇല്ലാത്ത സ്ഥലം ആയിരുന്നതിനാൽ വാഹനം കണ്ടെത്താൻ കഴിഞ്ഞിരുന്നില്ല. സമീപത്തെ കടയിലെ സിസിടിവി ദൃശ്യം മാത്രമാണ് പൊലീസിന് കിട്ടിയിരുന്നത്. അതിനെ അടിസ്ഥാനമാക്കിയായിരുന്നു അന്വേഷണം. നേമം പോലീസ് സ്റ്റേഷനിലെത്തിച്ച ഡ്രൈവറെ പോലീസ് വിശദമായി ചോദ്യം ചെയ്തു വരികയാണ്. പ്രദീപിന്റെ മരണത്തില് പ്രതിപക്ഷ നേതാക്കളും കുടുംബവും മാധ്യമ സുഹൃത്തുക്കളും ദുരൂഹത ആരോപിച്ച പശ്ചാത്തലത്തില് പഴുതടച്ച അന്വേഷണത്തിനാണ് പോലീസ് നീക്കം. | |
Home Current Affairs Crime മാധ്യമപ്രവര്ത്തകൻ എസ് വി പ്രദീപിനെ ഇടിച്ചിട്ട ലോറി കണ്ടെത്തി; ഡ്രൈവര് കസ്റ്റഡിയിൽ
