ബെംഗളുരു: കർണ്ണാടകയിൽ കശാപ്പ് നിരോധന നിയമപ്രകാരം ആദ്യ അറസ്റ്റ് രേഖപ്പെടുത്തി. കാലികളുമായി ട്രക്കിൽ പോകുകയായിരുന്ന ആബിദ് അലിയെയാണ് ചിക്ക്മെംഗളുരുവിൽ വെച്ച് പോലീസ് അറസ്റ്റ് ചെയ്തത്. കാലികളെ അനധികൃതമായി കടത്തുകയായിരുന്നുവെന്നാണ് എഫ്ഐആറിൽ പറയുന്നത്.

നാട്ടുകാരിൽ ചിലർ ആക്രമിച്ചുവെന്ന് ആബിദ് പറഞ്ഞു. ജനുവരി എട്ടിനാണ് കേസിനാസ്പദമായ സംഭവം നടന്നത്. ഈ മാസം അഞ്ചിനാണ് കശാപ്പ് നിരോധന നിയമം കർണ്ണാടകയിൽ നിലവിൽ വന്നത്. കർണ്ണാടക നിയമസഭ പാസാക്കിയ ബിൽ ഉപരിസഭ കടന്നിരുന്നില്ല. ഇതേത്തുടർന്ന് ഓർഡിനൻസിലൂടെയാണ് കർണ്ണാടക സർക്കാർ നിയമം കൊണ്ടുവന്നത്.

നിയമം ലംഘിച്ചാൽ ഏഴ് വർഷം തടവും 10 ലക്ഷം രൂപയുമാണ് ശിക്ഷ. 13 വയസിനു മുകളിലുള്ള പോത്തിനേയും എരുമയേയും കശാപ്പ് ചെയ്യാമെന്ന് നിയമത്തിൽ പറയുന്നുണ്ട്. അതേസമയം, നിയമം നടപ്പാക്കാൻ ഇറങ്ങുന്ന ഉദ്യോഗസ്ഥർക്ക് നൽകുന്ന അധികാരം സംബന്ധിച്ച് വിവാദം ഉണ്ടായിരുന്നു.

നിയമം ലംഘിക്കപ്പെട്ടുവെന്നു തോന്നിയാൽ എവിടെയും കയറി പരിശോധന നടത്താൻ ഉദ്യോഗസ്ഥർക്ക് അനുവാദം നൽകിയിട്ടുണ്ട്. നിയമം നടപ്പാക്കാൻ ശ്രമിക്കുന്ന ഉദ്യോഗസ്ഥർക്കെതിരെ നിയമനടപടി പാടില്ലെന്നും നിയമത്തിൽ പറയുന്നു.

LEAVE A REPLY

Please enter your comment!
Please enter your name here