പോപ്പുലര്‍ ഫ്രണ്ടിനെയും അനുബന്ധ സംഘടനകളെയും നിരോധിച്ചു, പ്രവര്‍ത്തിക്കുന്നത് രണ്ടു വര്‍ഷം തടവു കിട്ടുന്ന കുറ്റം

ന്യൂഡല്‍ഹി | കേന്ദ്ര ഏജന്‍സികളുടെ നടപടിക്കു പിന്നാലെ പോപ്പുലര്‍ ഫ്രണ്ടിനെയും അനുബന്ധ സംഘടനകളെയും അഞ്ചു വര്‍ഷത്തേക്കു നിരോധിച്ചു. രാഷ്ട്രീയ പാര്‍ട്ടിയായ എസ്.ഡി.പി.ഐയുടെ പ്രവര്‍ത്തനങ്ങളും വിലയിരുത്തുന്നുവെന്ന് റിപ്പോര്‍ട്ട്.

റിഹാബ് ഇന്ത്യ ഫൗണ്ടേഷന്‍, കാമ്പസ് ഫ്രണ്ട് ഓഫ് ഇന്ത്യ, ഓള്‍ ഇന്ത്യ ഇമാംസ് കൗണ്‍സില്‍, എന്‍.സി.എച്ച്.ആര്‍.ഒ, നാഷണല്‍ വുമണ്‍സ് ഫ്രണ്ട്, ജൂനിയര്‍ ഫ്രണ്ട്, എംപവര്‍ ഇന്ത്യ ഫൗണ്ടേഷന്‍ എന്നിവയാണ് നിരോധിക്കപ്പെട്ട മറ്റു സംഘടനകള്‍. കഴിഞ്ഞ ദിവസങ്ങളില്‍ നടന്ന റെയ്ഡിലും പരിശോധനകളിലുമായി ദേശീയ നേതാക്കളെ അടക്കം പിടികൂടിയിരുന്നു. കേരളത്തില്‍ നിന്നുള്ള 19 പേര്‍ തടവിലാണ്.

നിരോധനം നിലവില്‍ വിന്നതോടെ ഈ സംഘനകളില്‍ ചേര്‍ന്നു പ്രവര്‍ത്തിക്കുന്നതു കുറ്റമായി കാണും. രണ്ടു വര്‍ഷം വരെ തടവ് കിട്ടാവുന്ന കുറ്റമാണെന്ന് നിരോധന ഉത്തരവില്‍ വ്യക്തമാക്കുന്നു. ഉത്തര്‍പ്രദേശ്, കര്‍ണാടക, ഗുജറാത്ത് തുടങ്ങിയ സംസ്ഥാനങ്ങളുടെ ആവശ്യം പരിഗണിച്ചും രാഷ്ട്രീയ കൊലപാതകങ്ങളുടെ പശ്ചാത്തലത്തിലുമാണ് യുഎപിഎ നിയമപ്രകാരമുള്ള നടപടി. ഇസ്ലാമിക് സ്‌റ്റേറ്റ് ഉള്‍പ്പെടെയുള്ള നിരോധിത ഭീകര സംഘടനകളിലേക്കു പോപ്പുലര്‍ ഫ്രണ്ട് ഓഫ് ഇന്ത്യ യുവാക്കളെ റിക്രൂട്ട് ചെയ്തതായി എന്‍.ഐ.എ നേരത്തെ കോടതിയെ അറിയിച്ചിരുന്നു.

LEAVE A REPLY

Please enter your comment!
Please enter your name here