പത്തനംതിട്ട: 9 തും 13ഉം വയസ്സുള്ള ആണ്‍കുട്ടികളെ റോഡില്‍ ഉപേക്ഷിച്ച്‌ കാമുകനൊപ്പം പോയ യുവതിയെ പൊലീസ് അറസ്റ്റ് ചെയ്തു. പത്തനംതിട്ട വെട്ടിപ്പുറം സ്വദേശി ബീനയാണു പോലീസിന്‍റെ പിടിയിലായത്. കഴിഞ്ഞ 14-ാം തിയതി മക്കളെയും കൂട്ടി മലയാലപ്പുഴയിലെ ബന്ധു വീട്ടിലേക്കു പോയതാണു ബീന. പക്ഷെ ബന്ധു വീടിനു സമീപത്തെ റോഡില്‍ ബീന മക്കളെ ഉപേക്ഷിച്ച്‌ അവിടെ കാത്തുനിന്ന കാമുകന്‍ രതീഷിന് ഒപ്പം കടന്നുകളഞ്ഞു.
ചെന്നൈ, രാമേശ്വരം, തേനി, ബംഗളുരു തുടങ്ങിയ സ്ഥലങ്ങളില്‍ സഞ്ചരിച്ചശേഷം തിരികെ നാട്ടിലെത്തി കടമ്മനിട്ടയിലുള്ള സുഹൃത്തിന്‍റെ വീട്ടില്‍ രഹസ്യമായി കഴിയവേയാണ് ഇരുവരും പോലീസ് പിടിയിലായത്. സിം കാര്‍ഡ് മാറ്റി ഉപയോഗിച്ചായിരുന്നു ഇവരുടെ സഞ്ചാരം. ബീനയുടെ ഭര്‍ത്താവ് മുമ്ബ് ഗള്‍ഫിലായിരുന്നു. ജുവനൈല്‍ ജസ്റ്റിസ് നിയമപ്രകാരം കേസ് രജിസ്റ്റര്‍ ചെയ്ത് കോടതിയില്‍ ഹാജരാക്കിയ ഇരുവരെയും റിമാന്‍ഡ് ചെയ്തു. രണ്ട് തവണ വിവാഹം കഴിച്ചയാളാണു രതീഷ്. നിരവധി കേസുകളില്‍ പ്രതിയുമാണ്. ബീന അട്ടക്കുളങ്ങര സബ് ജയിലിലും രതീഷ് കൊട്ടാരക്കര ജയിലിലുമാണ്.
