ചെന്നൈ: ബുറേവി ചുഴലിക്കാറ്റ് ന്യൂനമര്ദ്ദമായി മാന്നാര് കടലിടുക്കില് തുടരുന്നുവെങ്കിലും തമിഴ്നാട്ടില് പരക്കെ മഴ പെയ്യുകയാണ്. രാമനാഥപുരം, തൂത്തുക്കുടി, കടലൂര് തുടങ്ങിയ തെക്കന് ജില്ലകളില് കനത്ത മഴയാണ് പെയ്യുന്നത്. പ്രസിദ്ധമായ ചിദംബരം നടരാജ ക്ഷേത്രത്തില് 43 വര്ഷത്തിനുശേഷം വെള്ളം കയറി. ക്ഷേത്രത്തിനു ചുറ്റും മൂന്നടിയിലധികം വെള്ളമാണ്. പല ഭാഗങ്ങളിലും ഗ്രാമങ്ങള് ഒറ്റപ്പെട്ടു.
