അങ്കാര: ‘ബോണ്‍കുക്ക് ‘എന്ന വളര്‍ത്തുനായ ദിവസവും രാവിലെ ഒമ്ബതുമണിക്ക് ആശുപത്രിക്ക് മുമ്ബിലെത്തും. .വൈകുന്നേരം വരെ ആശുപത്രി വാതിലിന് സമീപം ചുറ്റിത്തിരിയും .അതേ സമയം ആശുപത്രിയുടെ അകത്തേക്ക് പ്രവേശിക്കില്ല, വാതില്‍ തുറന്നാല്‍ പതുക്കെ തല ഉയര്‍ത്തി അകത്ത് തന്റെ യജമാനനായ സെമല്‍ സെന്‍റര്‍ക്കിനെ തിരയും.
തുര്‍ക്കിയിലെ ‘ബോണ്‍കുക്ക്’ എന്ന വളര്‍ത്തുനായക്ക് തന്റെ യജമാനനോടുള്ള സ്നേഹമാണ് സമൂഹമാധ്യമങ്ങളില്‍ ഇപ്പോള്‍ തരംഗമാകുന്നത് .തുര്‍ക്കി സ്വദേശിയായ സെമല്‍ സെന്‍റുര്‍ക്കിന്‍റെ വളര്‍ത്തുനായയാണ് ‘ബോണ്‍കുക്ക്’. സെമല്‍ രോഗബാധിതനായതോടെ ജനുവരി 14ന് ആംബുലന്‍സില്‍ ട്രാബ്സോണിലെ ആശുപത്രിയിലേക്ക് മാറ്റുകയായിരുന്നു. ഇത് കണ്ട ‘ബോണ്‍കുക്ക്’ ആംബുലന്‍സിന് പിറകെയോടി ആശുപത്രിയിലെത്തി.
ആശുപത്രിയുടെ പുറത്ത് തന്റെ യജമാനനെ കാത്ത് നായ് പകല്‍ മുഴുവന്‍ ചെലവഴിക്കുകയായിരുന്നു. ബോണ്‍കുക്കിനെ സെമലിന്‍റെ മകള്‍ അയ്നൂര്‍ എഗേലി വീട്ടിലെത്തിക്കുമെങ്കിലും രാവിലെ കൃത്യം ഒമ്ബതുമണിയാകുമ്ബോള്‍ ബോണ്‍കുക്ക് ആശുപത്രിക്ക് മുമ്ബിലെത്തും.ഒരാഴ്ചയാണ് ബോണ്‍കുക്ക് സെമലിനെ കാണാനായി ആശുപത്രിയുടെ മുമ്ബില്‍ കാത്തിരുന്നത്.
‘രാവിലെ ഒമ്ബതുമണിക്ക് നായ് ആശുപത്രിയുടെ പുറത്തെത്തും. പിന്നീട് എവിടെയും പോകില്ല. അകത്തേക്ക് പ്രവേശിക്കുകയുമില്ല… വാതില്‍ തുറന്നാല്‍ തല അകത്തേക്കിട്ട് യജമാനനെ തിരയും’ -ആശുപത്രി സെകുരിറ്റി മുഹമ്മദ് അക്ഡെനിസ് പറഞ്ഞു
അടുത്തിടെ സെമല്‍ ആശുപത്രി വാസം അവസാനിപ്പിച്ചു. തുടര്‍ന്ന് ആശുപത്രിയില്‍ നിന്ന് വീല്‍ചെയറില്‍ പുറത്തെത്തിയ സെമലിനെ ബോണ്‍കുക്ക് സ്നേഹം കൊണ്ട് പൊതിയുകയായിരുന്നു. ആശുപത്രി വരാന്തയില്‍ നായ്ക്കൊപ്പം സമയം ചെലവഴിച്ച ശേഷമാണ് ഇരുവരും വീട്ടിലേക്ക് മടങ്ങിയത്.
