മുംബൈ: ബോളിവുഡ്​ സിനിമ ലോകത്തെ മുംബൈയില്‍ നിന്നും ഉത്തര്‍പ്രദേശിലേക്ക്​ പറിച്ച്‌​ നടാന്‍ ലക്ഷ്യമിട്ട്​ മുഖ്യമന്ത്രി യോഗി ആദിത്യനാഥ്​ കരുനീക്കങ്ങള്‍ തുടങ്ങി. രാജ്യത്തെ ഏറ്റവും വലുതും മനോഹരവുമായ ചലച്ചിത്രനഗരം ഗൗതം ബുദ്ധ നഗര്‍ ജില്ലയില്‍ സ്​ഥാപിക്കുമെന്ന്​ യോഗി അടുത്തിടെ പ്രഖ്യാപിച്ചിരുന്നു. ഇതിന്‍െറ ഭാഗമായി നിക്ഷേപങ്ങള്‍ക്കായി യോഗി ബോളിവുഡ്​ താരങ്ങളുമായും നിക്ഷേപകരുമായും നിശ്ചയിച്ച കൂടിക്കാഴ്​ചകള്‍ക്ക്​ ചൊവ്വാഴ്​ച തുടക്കമായി​.

മുംബൈയിലെത്തിയ യോഗി നടന്‍ അക്ഷയ്​കുമാറുമായി ചൊവ്വാഴ്​ച രാത്രി ചര്‍ച്ച നടത്തി. ഖൊരഖ്​പൂര്‍ എം.പിയും മുതിര്‍ന്ന നടനുമായ രവി കിഷനാണ്​ അക്ഷയ്​കുമാറുമായുള്ള കൂടിക്കാഴ്​ചയില്‍ യോഗിയെ അനുഗമിച്ചത്​​.സുഭാഷ്​ ഗായ്​, ബോണി കപൂര്‍, ഭൂഷന്‍ കുമാര്‍, ജതിന്‍ സേതി, രാഹുല്‍ മിത്ര, നീരജ്​ പഥക്​, രണ്‍ദീപ്​ ഹൂഡ, ജിമ്മി ഷെര്‍ജില്‍, രാജ്​കുമാര്‍ സന്തോഷി എന്നീ സിനിമ രംഗത്തെ പ്രമുഖരുമായും ട്രേഡ്​ അനലിസ്​റ്റുകളായ തരുണ്‍ ആദര്‍ശ്​, കോമള്‍ നഹ്​ത എന്നിവരുമായും കൂടിക്കാഴ്​ച നടത്തുന്നുണ്ട്​.

ലഖ്​നോ മുനിസിപ്പല്‍ കോര്‍പറേഷന്‍ ബോണ്ടുകളുടെ ലിസ്​റ്റിങ്ങിനായി ബുധനാഴ്​ച ബോംബെ സ്​റ്റോക്​ എക്​സ്​ചേഞ്ചിലും യോഗി സന്ദര്‍ശനം നടത്തുന്നുണ്ട്​.

LEAVE A REPLY

Please enter your comment!
Please enter your name here