ഡല്‍ഹി:രാഷ്ട്രപതി രാംനാഥ് കോവിന്ദിന് രണ്ടു കോടി കത്തുകള്‍ കൈമാറി രാഹുല്‍ ഗാന്ധി. കാര്‍ഷിക നിയമത്തിനെതിരെ കോണ്‍ഗ്രസ് ശേഖരിച്ച കത്തുകളാണ് രാഷ്ട്രപതി രാംനാഥ് കോവിന്ദിന് രാഹുല്‍ ഗാന്ധി കൈമാറിയിരിക്കുന്നത്. ട്രക്കുകളിലാണ് കത്തുകള്‍ എത്തിച്ചത്. അഥീര്‍ രഞ്ജന്‍ ചൗധരി, ഗുലാംനബി ആസാദ് എന്നീ നേതാക്കളും രാഹുലിനോടൊപ്പമുണ്ടായിരുന്നു.

എന്നാല്‍ പ്രതിഷേധ മാര്‍ച്ചിന് അനുമതി നല്‍കാനാവില്ലെന്നും രാഹുല്‍ ഗാന്ധി, ഗുലാംനബി ആസാദ്, അധീര്‍ രഞ്ജന്‍ ചൗധരി എന്നീ മൂന്ന് നേതാക്കള്‍ക്ക് മാത്രം രാഷ്ട്രപതിയെ സന്ദര്‍ശിക്കാമെന്നും പൊലീസ് വ്യക്തമാക്കുകയായിരുന്നു.

മാര്‍ച്ചിനൊടുവില്‍ രാഷ്ട്രപതിയെക്കൊണ്ട് രണ്ട് കോടി കര്‍ഷകര്‍ ഒപ്പിട്ട ‘നിവേദനം’ സമര്‍പ്പിക്കായിരുന്നു കോണ്‍ഗ്രസ് പദ്ധതി.അതേസമയം, കോണ്‍ഗ്രസ് എം.പിമാരുടെ നേതൃത്വത്തില്‍ വിജയ് ചൗക്ക് മുതല്‍ രാഷ്ട്രപതി ഭവന്‍ വരെ നടത്താനിരുന്ന മാര്‍ച്ചിന് ഡല്‍ഹി പോലീസ് അനുമതി നിഷേധിച്ചിരുന്നു. തുടര്‍ന്ന് പ്രിയങ്ക ഗാന്ധിയുടെ നേതൃത്വത്തില്‍ കോണ്‍ഗ്രസ് എം.പിമാര്‍ കുത്തിയിരുന്ന് പ്രതിഷേധിച്ചതോടെ അറസ്റ്റ് ചെയ്ത് നീക്കിയിരുന്നു. മാര്‍ച്ചില്‍ പങ്കെടുത്ത പ്രിയങ്ക വദ്ര ഗാന്ധിയെ പോലീസ് അറസ്റ്റ് ചെയ്തു. ഡല്‍ഹി പോലീസിന്റേതാണ് നടപടി. പ്രിയങ്ക ഉള്‍പ്പടെയുളള നേതാക്കളെ പോലീസ് അറസ്റ്റ് ചെയ്ത് നീക്കാന്‍ ആരംഭിച്ചതോടെ മാര്‍ച്ചില്‍ സംഘര്‍ഷം ഉണ്ടായി. പ്രിയങ്കയെ അറസ്റ്റ് ചെയ്ത് പോലീസ് വാഹനത്തിന് .കയറ്റിയെങ്കിലും പ്രവര്‍ത്തകര്‍ വാഹനത്തിന് മുന്നില്‍ കുത്തിയിരുന്നു പ്രതിഷേധിച്ചു. തുടര്‍ന്ന് പോലീസ് പ്രവര്‍ത്തകരെയും അറസ്റ്റ് ചെയ്ത് നീക്കി.

പതിനൊന്ന് മണിയോടെയാണ് രാഹുല്‍ ഗാന്ധിയുടെ നേതൃത്വത്തില്‍ കോണ്‍ഗ്രസ് എം.പിമാര്‍ രാഷ്ട്രപതി ഭവനിലേക്ക് മാര്‍ച്ച് ആരംഭിച്ചത്. പ്രിയങ്ക ഗാന്ധി, കെ.സി.വേണുഗോപാല്‍, കൊടിക്കുന്നില്‍ സുരേഷ്, ടി.എന്‍. പ്രതാപന്‍ ഉള്‍പ്പടെയുളള നേതാക്കള്‍ രാഹുല്‍ ഗാന്ധിക്കൊപ്പം ഉണ്ടായിരുന്നു.


LEAVE A REPLY

Please enter your comment!
Please enter your name here