ഡൽഹി: ക്രിപ്റ്റോ കറൻസികളിലെ നിക്ഷേപവും ട്രേഡിങ്ങും നിരോധിക്കുന്നതിനുള്ള പുതിയ ബിൽ സർക്കാർ അവതരിപ്പിച്ചേക്കും എന്ന സൂചനകൾ ശക്തമാവുകയാണ്. അതേസമയം, ഇതിനു പകരമായി കേന്ദ്ര ബാങ്ക് പിന്തുണയുള്ള ഡിജിറ്റൽ കറൻസി വികസിപ്പിച്ചേക്കും. ഇതിനാവശ്യമായ നിയമപരമായ അധികാരം ആർബിഐയ്ക്ക് നൽകുമെന്നാണ് സൂചന.

ലോകസഭാ ബുള്ളറ്റിനിൽ ആണ് ഇക്കാര്യം വ്യക്തമാക്കിയിരിക്കുന്നത്. വിവിധ
മേഖലകളിൽ ബ്ലോക്ക് ചെയിൻ സാങ്കേതിക വിദ്യയുടെ ഉപയോഗം പ്രോത്സാഹിപ്പിക്കാൻ സർക്കാർ സന്നദ്ധമാണ്, ഇതിൻെറ ഭാഗമായാണ് ഡിജിറ്റൽ കറൻസി എന്ന ആശയത്തിലേക്ക് മറ്റു രാജ്യങ്ങൾക്കൊപ്പം സര്‍ക്കാര്‍ എത്തുന്നത്. അതേസമയം സ്വകാര്യ ക്രിപ്റ്റോ കറൻസികളായ ബിറ്റ്കോയിൻ, എതെറിയം എന്നിവ പ്രോത്സാഹിപ്പിയ്ക്കാൻ താൽപ്പര്യവുമില്ല.

ഡിജിറ്റൽ കറൻസി ചെയ്യുന്നതിനും വികസിപ്പിക്കുന്നതിനുമുള്ള സാധ്യതകൾ അന്വേഷിച്ചു തുടങ്ങിയതായി ആർ‌ബി‌ഐ അടുത്തിടെ വ്യക്തമാക്കിയിരുന്നു. ഇതിനു പിന്നാലെണ് ക്രിപ്റ്റോ കറൻസി ആൻഡ് റെഗുലേഷൻ ഓഫ് ഒഫിഷ്യൽ ഡിജിറ്റൽ കറൻസി ബിൽ 2021 നടപ്പാക്കാൻ സര്‍ക്കാര്‍ ശ്രമിയ്ക്കുന്നത്.

2019 ഡിസംബറിൽ ഡിജറ്റൽ കറൻസിയ്ക്കായുള്ള സാങ്കേതികവിദ്യ ഇതുവരെ പൂർണ്ണമായി വികസിച്ചിട്ടില്ലെന്നും ഇതിനുള്ള ശ്രമങ്ങൾ പ്രാരംഭ ഘട്ടത്തിലാണെന്നും ആര്‍ബിഐ ഗവര്‍ണര്‍ ശക്തികാന്ത ദാസ് വ്യക്തമാക്കിയിരുന്നു. എന്തായാലും രാജ്യത്ത് വീണ്ടും ക്രിപ്റ്റോ കറൻസി നിക്ഷേപങ്ങൾക്ക് വിലക്ക് വീഴുന്നത് ഈ രംഗത്തെ പുതു നിക്ഷേപകരെ വീണ്ടും നിരാശപ്പെടുത്തിയേക്കും.

സുപ്രീം കോടതി ഇടപെടലിനെ തുടര്‍ന്ന് ഡിജിറ്റൽ കറൻസി ട്രേഡിങ് നിരോധനം തുടങ്ങിയതോടെ ഇന്ത്യയിൽ ഇത്തരം എക്സ്ചേഞ്ചുകൾ വീണ്ടും സജീവമായി തുടങ്ങിയിരുന്നു. 2020 മാർച്ചിനും ഡിസംബറിനുമിടയിൽ, മികച്ച ഇന്ത്യൻ ക്രിപ്റ്റോ എക്സ്ചേഞ്ചുകളിലുടനീളം ട്രേഡിംഗ് 500 ശതമാനം വരെ വർദ്ധിച്ചു എന്നത് ശ്രദ്ധേയമാണ്.

LEAVE A REPLY

Please enter your comment!
Please enter your name here